قراء من شرق الرياض !

كان عندي شريط (كاست ) .. اسمه قراءت من شرق الرياض ..

اخوي شراه من الرياض من كم سنه ..

يحتوي على عدة قراء  مب معروفين وايد  ..

بس كان راائع .. كل يوم الصبح لازم نسمعه في السياره

بس بس اخترب الشريط .. :( ومالقيت مثله ..

وبنفس الوقت مالقيت اي صوتيات للقراء في النت

الاسم اللي اذكره من القراء .. هو القارئ احمد الجاسر ..  والباقي مب ذاكره اساميهم الحين ..

سؤالي هو .. هل احد يعرف هالقارئ ..  ومن عنده تلاوات بصوته ! ..

ان شاءالله ماتردوني  :"(

صبـاح الخيــر ..

شر البلية مايضحك !!
حتى كلامهم اخترب !!! 

( اكرمكم الله عن هالفئة ) ..

لكن للاسف كثيييير من الشباب الحين من هالنوعيه ..

وكثيـــر من البنات اللي انسلب منها ( الحياء) ..

اللهم عافنا واحفظنا ..

واللهم واهدي شباب وبنات المسلمين جميعــا ..

:

:

 

احس بفتوووور

..ابغي استعيد نشاطي ..

( اظن اني احتاج اني اغيـــر جو .. بس الكل مشغـوول .. وانا ابغي اساافر >_> )

:

مممممممم .. 

( نصيحه تقدمونها لصاحبة المدونة << يعني انـا ) 

:

:

وصباحكم  خيـــر 

عن انس رضي الله عنه ، قال : سمعت رسول الله صلي الله عليه وسلم يقول : ( قال الله تعالى : يا ابن ادم ! إنك ما دعـوتـني ورجوتـني غفرت لك على ما كان منك ولا أبالي ، يا ابن آدم ! لو بلغـت ذنـوبك عـنان السماء ، ثم استغـفـرتـني غـفـرت لك ، يا ابن آدم ! إنك لو اتيتني بقراب الأرض خطايا ثم لقيتـني لا تـشـرك بي شيئا لأتـيـتـك بقرابها مغـفـرة ).
رواه الترمذي [ رقم : 3540 ] وقال : حديث حسن صحيح

بصوت القارئ مشاري العفاسي

CRAZY TAXI

Crazi Taxi

^_^

V

V

V

:

V

:

:

1 2 3

بسم الله الرحمن الرحيم ..

:

:

روتين ممـل ..

:

بديت احس بالملل الفظيع ( بكل ماتحمله الكلمه من معنى !><)

:

ادمنت الافلام ( الهنديه !! هاليوميين ) مااعرف شنو اللي صادني ..

:

ممممممم

خلني اقولكم كم سالفه << لاحد يدخل ويقول مافهمت ترى بروحي متملللله ومالي خاطر اشرح

..

1. ( اول سالفه ) 

قصة ماقبل النوم ..

انا ماعندي خيـــــــــال ابدا .. يعني صفر على الشمــال في تأليف القصص

مااعرف اقول اي قصـة

عندي اختي الصغيــره .. وكل ماتنام معاي تطلب اني اقول لها قصه

( بصراحه من نعومة اظافري مب حافظة الا قصه وحده الا و هي ..

كان يامكان

في قديم الزمان

كان هناك مره ( امرأه ) عندها حيواناااااااات واااايد ( المفروض تكون مزرعه بس مش حالك)

وانها حطت العيش فوق السطح

وحذرت الحيوانات انهم ياكلونه

لانها بتروح السوق وبترجع << طيب الحيوانات في  المزرعه شنو اللي جابهم فوق السطح !! والله سؤال وجيه بس بنغض النظر عنه

المهم

راحت

ورجعت لقت العيش مب موجوود ! وهناا تثور المرأة غضبا

وسألتهم من اللي أكل العيش

قالوا ماندري << ترى الحمار اللي كل العيش بس هو كذاب

وووو تسوي خطه وكذا عشان تعرف من اللي اكل العيش وبتعرف في النهايه

(( وكل مره ازيد كلمه ولا انقص كلمه ومره اخليها مزرعة حيوانات اليفه ومره بس طيور ومره ينضاف الاسد والنمر !! ))

وطبعا اختي صارت اذا بديت بـ مره عندهاا .. قالت اوووووه خلاص  مابي قصه ^^"

..

سالفه 2

امس اختي مب الصغيره لا, غيرها

 تقولي انتي تذكريني بشخصيه مشهوره

عاد انا هنييييه ياأرض انهدي  ماحدا أدي <<هيك المثل ولا غلط ^^"

قلت لها منوووو

قالت .. << تعطي مقدمات قبل ..

قالت مزاجك اللي يرفع الضغط

والطلعات العجيبه اللي كل يوم تطلعين لنا فيها

تذكريني بـ

وكل الانظار متجهه نحوهاا

ننتظر الاجابه ..

تدرون قالت من

:

:

:

بـ

القذافي 

>_>

ارتفع الضغط عندي 1000000

بذمتكم اشبه القذافي بشنووووو :s

تحطيييييم

:

:

سالفه 3 

من اسبوعين .. ولا اقول .. مره ثانيه بكمـل

:

يُقــال ..

ليس كل مايتمناه المرء يدركـه

تجري الرياح بما لاتشتهي السَفَنُ ! ..

ايه نسيت اقول ..

بعض المدونات ادخلها وحلوة وكل شي فيها حلو ..

بس مااحط تعليق .. لان بصراحه يكون الخط صغيـــــر

اما يكون  الخط صغيييير والاسطر ورى بعض

او الخط صغير بلون فاتح والخلفيه سوداا ..

والله مااقدر اركز .. اصلا احس ان النظر قل عندي ويمكن بعد بسبب الالتهاب الدائم ..

فـ اسمحولي اني مااعلق بمدوناتكم اصحـاب الخطوط الصغيـر .. :)

..

دمتم بخيـــر :)

someting creative .. !

بسم الله الرحمن الرحيم ..

my vision 

( قطر بأيدي قطـريـة ) 


:
:

تكلمت في موضوع قديم ( عن قلة او بالاصح ندرة المدونات القطريـة ) ..

..

واليوم .. بتكلم عن ( اختفاء الشباب القطري من ساحـة الابداع !)

ادري ان هناك كثيــــر من شبابنا متميز وعنده قدرة على التطوير والابداع بشكل كبير .. بس وينهم !!

ليش مختفيين .. ؟

الدولة عندنا تستعيين بخبرات شبابيه خارجيـه ( وشبابنا قاعد! )

( اغلب الـ activities  .. من  الاجانب ..! ) ليش ليش ليش ؟؟؟


طيب اذا الدوله مااعطتهم الفرصه مع انه العكس ( اعتقد قطر من اكثـر الدول اللي تعين شبابها وتوفر له السبل ليتطور وينتج ويبدع  حتى في مجال العمل )

بس مع ذلك ماانشوف بصمـة واضحــه !

الكلام كثير .. وكثير اللي يتكلمون .. بس مانشوف ناتج !

مجموعة كبيره من الشباب اللي منضمين الى الجمعيات التطوعيه وغيرها .. بس اعتقد ان كل جهدهم منصب على مجموعة قليلة جدا ..

..

الاعلام .. وين الشباب القطري منه ؟؟  .. التلفزيون كله يمكن المذيعين القطريين المتمكنيين مايتعدوون الـ 5  ! 

والبرامج المبتكره او الجديده  ماتتعدا الـ 3 او 4 برامج  .. طيب ليش ..؟

برنامج شبابي وااحد فقط  اللي شفته  هو ( لكم القرار ) واعتقد هوكل شهر اذا مب انا غلطانه

البرامج الدينيه .. مانشوف الا ( الشيخ عايض القحطاني ) القطري الوحيد في هالمجـال .. مع ان شباب كثيرين فيهم الخيـر بس وين الفرصه لهم ! او بالاصح ليش مايحرصون انهم يتقدمون بهالخطوة ؟ 

الاذاعـة .. برامج اذاعة قطـر حلوة ( بلاش نظلم احد ) 
اذاعة القرآن الكريم ( من رأيي يبيلها شغل وتعب اكثـر ) << بس هذا مايعني ان مافيها برامج حلوة .. فيها ومن ابرزها .. كيف اصبحت 

غير المجال الاعلامي .. مع اني اشووف انه مهم جدا

مجال الانترنت ؟؟ .. وين شباب قطر منه ؟ 

مدونات .. مافيه الا نادرا

منتديات..  قليل اللي نشوفه منها  ناجح ومفيد .. 

حاولت ابحث عن قروبات قطرية متميزة بالفيس بوك  مالقيت ..

التصوير والفلكرات <<< كثييييييييييييييييييييييييير والكل منصب هنااك !

اتمنى القى الشباب القطري في موضوعي هذا واسمع ارائهم ..

واسمحولي على الاطاله :)

دمتم بكل الخيــر ..

من بين السبل ..

حين نعتزل الناس لأننا نحس أننا أطهر منهم روحاً  

أو أطيب منهم قلباً 

أو أرحب منهم نفساً 

أو أذكى منهم عقلاً 

لا نكون قد صنعنا شيئاً كبيراً 

لقد اخترنا لأنفسنا أيسر السبل وأقلها مؤونة !

سيد قطب

الله المستعان