من بين ثنايا نفسي

ضوضاء الهدوء مزعج احيانـاً 

حين تطلق لكلماتك العنان لتذهب بعيدا لعلها ترجع إليك حامـلة بعضا من امورا مُنَتظره منها 

لكن لاترجع الا بصداها

فليس هناك من يستمع ليستجيب

\\ 

صديقتي .. اعلم مقدار حبك في قلبي 

واعلم بمقداره قي قلبك ..

 مـاأراه منكِ من أمور اتجاهلها امامك.. لكن لايستطيع قلبي تجاهلها .. 

احببت ان اخبرك بذلك فقط
  : ) 

\\

كم شخص فينا يحتاج تلك الغيمه 

تحت مسمى موظف جديد !

بمـا أني تحت مسمى

 " موظف جديد"

وبمـا اني من النوع اللي صعب ياخذ على المكان الجديد بسرعه ومشاركة الاشخاص الجدد حولي بسرعه

فتكون الاسابيع الاولى اصعب الاسابيع علي

..  ..

من الامور اللي سهلت الموضوع شوي علي

اني حاولت اقرا واسأل عن ماهية جهة العمل بشكل عام ..

عشان تتكون عندي فكره ولو بسيطه عن المكان اللي انا فيه : ) 

التعرف على الموظفين واساميهم خاصه اللي راح يكون تعاملي معاهم دايما 

ومعرفة كل واحد وايش مسؤول عنه .. 

تكوين علاقه جيده مع المسؤول وجميع العاملين .

"لاتفتح مجال لأي احد انه يسيطر على افعالك .. كن انت نفسك ومسؤول عن عملك  " 

لاتشك في نوايا اي احد .. وبنفس الوقت لاتثق الثقه الكامله فيه : ) 

حاول ان تسأل عن اي شي مو فاهمـه : ) 

راح ادرج ان شاءلله الاشياء اللي امر فيها بين فتره واخرى .. 

الله يوفقنا وإياكم 

^_^ 

عام التغييـر ..

عامٌ احدث فينا تغييرات غريبه وعجيبه 

لم يقتصر التغيير فينا قط
صحوة التحرير والتغيير ملأت عالمنا العربي والاسلامي .. 

فلله الحمد من قبل ومن بعد 

مررت بأمر لم اكن اتخيل يوما اني سأمر به 

لكن لم يأتيني التغيير الا من بعد مروري بأقسى واحلك الممرات ظلامـا .. 

الحمدلله 

اظن ان هذا العام عام التغييرات الجذرية لكل منا ولن نستقر ان لم نتغير

: 

اللهم احفظنا من بين ايدينا ومن خلفنا وعن ايمننا وعن شمائلنا ومن فوقنا ونعوذ بعظمتك أن نغتال من تحتنا

موضوع جميــل ومتميز من مدونة رغد .. 

وحكت قصصهــا الاشيــاء

انصحكم بزيارته: )  

//
 //
 

صوتيات العفاسي الجديده 

اصبر على الظلم 

أما والله ان الظلم لؤمٌ

:" ) 

يانفس .. سلمان الملا

 

سكربل تسلم عليكم ..

بسم الله الرحمن الرحيم ..

جئت انفض غبــار الانقطاع عن مدونتي ..

اشكـر كل من سأل عني وكل من طل على مدونتي في غيابي ..

:

سمعت اني قد كُلفت بواجب الاعترافات من قبل اختي lollipop

: 

اعترافات كثيره لدي لكن اكتفي بذكر اعترافين لا أكثر : ) .. 

احد اسباب انقطاعي عن مدونتي وفاة احد اقربائي ,, الله يرحمه ويغفر له ويرحم جميع موتانا وموتى المسلمين .. 

الاعتراف الثاني .. انني قد اطلت الغياب بسبب عدم وجود جهاز كمبيوتر لدي .. 

: 

صوتيات كثيره فاتتني لاضعها لكم .. 

حاولت اجمع اللي اقدر عليه : )  .. 

جديد العفاسي

دعاء 

أهلي والمسلمين

قصيدة قالوا سكت ,, من شعر الامام الشافعي .. 

قالوا سكت ..

للحرم عزمت عالروحه   

(( الله يتقبل من جميع حجاج بيته يارب .. ويكتب لنا حجه قريبه يارب )) 

كليب ابتهال " اغيب" ا 

مااقتنعت بفكرة التصوير ! 

يمكن اقتنع لما اشوفها اكثر من مره الله اعلم : ) 

الله الله -مصـر

جميـله : ) 

(( التطــوع )) 

فلم التطوع 

انشودة التطوع لـ محمد الجبالي ..

من هنا
رائعه 

.. 

دعايه خفيفه ولطيفه من انتاج اخوانا المصريين ^^" 

جبنة الباندا
^^" 

وسلامتكم 

:)

بعد يومين اعتقد معرض الكتاب اذا ماكنت غلطانه .. اقتراحاتكم ..

قطـري/ـه

للاسف حالنا كما هو موضح في الصورة !! 

 :

توظفت ماتوظفت !

مقابلة رقم 1 

المكان ممتاز ووظايفه ممتازة 

وابدا ماتوقعت يتصلون فيني ! 

رحت المقابله .. 

قالوا لي تقطير وتقطير يعني توظيف القطريين .. 

مقابله تقريبا نصف ساعه اخذ وعطى وكانت ممتازة ! 

قالوا لي حاليا ماعندنا وظايف في تخصصج بس ممكن نحطج في مكان مناسب 

ولازم تسوين مقابله مرة ثانيه مع رئيس القسم 

مووو مشكله .. 

وسوينا المقابله .. 

والنتيجه ايجابيه ..

طلبت اني اشوف المكان ونوعية البوزيشن اللي بيحطوني فيه .. فلم يمانعوا !

مشيت مع رئيس القسم الفرنسي .. 

وشفت المكان .. 

تعرفون شنو الوظيفة ! 

يعني انا خريجة اخصائي حاسب بتفوق  , عندي خبرة عمل اربع اشهر , اللغة الانجليزيه نقول جيده الحمدلله

وقـطـــريــــه ! 

.. الوظيفة هي 

موظفة ملفات ومواعيد في قسم العياده عندهم !!!!! 

 مقابلة رقم 2 

قدمت اوراقي 

تم الاتصال بي على طــــووول 

كنت حينها في مطار دبي توني واصله ! 

الا ابوي متصل فيني يقول لي عندج مقابله الاحد كنا رايحين يومين يعني الخميس والسبت راجعين .. 

 توترت شوي اني مو جاهزة للمقابله 

ونفس الشي عندهم مايسمى بالتقطير .. 

قبل المقابله بليلة حاولت اني اجهز نفسي ووو .. 

رحنا المقابله 

قالوا لي لازم امتحان @@ .. 

قلت موو مشكله 

قدمنا الامتحان .. وقالوا النتيجه اوكي .. طيب ليش مانادوني !! 

الله أعلم !! 

مقابله رقم 3 .. 

اطلبوني بدون مااقدم عندهم اوراقي ..

عن طريق وحده اعرفها كلمتها مسؤولتها عن حاجتها عن قطريات خريجات 

كلمتني وقالت بكره المقابله ! 

ماصدقت وفرحت فرحت فرحت .. 

رحنا المقابله انتظرت وانتظرت وانتظرت 

دخلت بعد طول انتظار 

السلام عليكم .. قعدت وسلمتها اوراقي .. 

افتحت الاوراق .. 

اسألتني السؤال الوحيد ليش مااشتغلتي المكان اللي تدربتي فيه !! 

قلت شي راجع لي ومابغيت المكان 

بس ! 

لحظات صمت !

وانا انتظر 

>> يمكن شكلي ماعجبها ! او لاني قطريه ! ممكن 

عطتني اوراقي 

وقالت لي خلاص اذا في شي بخبر فلانه :s <<< حلفي بس 

طلعت من عندها وانا كل علامات التعجب على وجهي ! 

بس بعد خيره الحمدلله .. 

المكان رقم 4 .. 

قدمت اوراقي .. 

ومعاي بنفس الوقت قدمت وحده اعرفها مو خريجه .. 

انتظر احد يتصل فيني .. قلت طبيعي انهم يطولون وبعد يمكن مب نصيبي 

اتصلوا في البنت اللي قدمت معاي وقالوا لها ارفضوها .. 

وانا .. لين الحين الله اعلم اوراقي عند من يحللها !! 

المكان رقم 6 

طبعا الاعجوبــه !! 

قدمت اوراقي .. 

قالوا حلو وتخصص مطلوب وكذا 

راجعناهم .. قالوا اصلا الاوراق ضايعه !

قدمت الاوراق مره ثانيه .. 

فترة وبعد مارجعناهم قالوا الاوراق ضاعت ! 

طيـــــب .. 

قدمنا الاوراق مره ثالثه !! 

وتم تسليمها للمدير الحمدلله  .. 

وشبه موافقين وووو.. 

وفجأه ..

وبعد المراجعه 

قالوا اصلا االاوراق ضـايعه 

يااشيــخ انت وياااه 

وقدمت اوراقي للمره الرابعه .. 

Oo واظن ان بيضيعونهم لاني فقدت الامل منهم نهائيا 

اي نسيت .. 

قدمت على كذا مدرسه مستقله 

 المدارس المستقله هي حكوميه لكن بنظام جديد .. 

ومحد رد .. 

وحده من المدارس شفت اعلانهم في الجريده عن حاجتهم لـ قطريات والتخصصات المحدده من ضمنها خصصي
عنوان اعلانهم كـان 
الأولويه للقطريات

قدمت على طـــول في اليوم الثاني 

اعرف وحده بنفس المدرسه اتصلت فيني 

اسألتني .. اتصلوا فيج .. قلت لا 

قالت غريبه ؟اليوم كل اللي انقبلوا غير قطريات وغير خريجات !!

لان رواتبهم اقـل فتستفيد المسؤوله عن هالمدرسه

شرايكم .. ارفع شكواي للامم المتحده !! 


// 

إنمــا اشكو بثي وحزني إلى الله 

o:)

فترة وتعدي :/

هالفترة منزعجه كثيـر

اشياء وايد ضايقتني واحبطتني :/ .. 

.. 

بإذن الله فترة وتعدي ..

ولابد من تكاثف الغيوم لنزول المطـر :) 

الله كريم

" لا إاله الا انت سبحانك إني كنت من الظالمين "

"استغفر الله الذي لاإله إلا هو الحي القوم واتوب إليه " 

مصدر الصورة

يا رب المغفرة والنـاس

حمــلة الدفاع عن عرض السيدة عائشة وأمهات المؤمنين والصحابة رضي الله عنهم وأرضاهم

الصفحه على الفيس بوك  

إن الذين يرمون المحصنات الغافلات المؤمنات لعنوا في الدنيا والأخره ولهم عذابٌ عظيم"ا" 

mp3

عـائشــة أم المؤمنين 

رغم انوف الحاقدين

.. 

:

يا رب المغفرة والنـاس مـا ترجـي سـوى الغفـران
ولاغـيــرك يـغـفـر اذنـوبـهـا ولا يعـذبـهـا

عزيـز وجـل شآنـك واعتلـت قدرتـك يـا رحمـان
اقـولـه والقـلـوب بقـدرتـك تـقـدر تقلـبـهـا

عسى الله مـا يحاسبنـي علـى غلطـة فكـر بلسـان
ويمنعنـي مـن أسبـاب الذنـوب الـلـي تسببـهـا

اوبريت وطني اماراتي
شعر : "فزاع"
سمو الشيخ حمدان بن محمد بن راشد ال مكتوم
الحان : فايز السعيد
توزيع : حمد المانع
الهندسه الصوتيه : م.كريم شريف
اداء : مشاري العفاسي
الان علي قنوات دبي وسما دبي
للتحميل صوت هاي كواليتي HQ


http://www.qaree.info/Kansha_89/Alaf...et-Alet7ad.mp3

كلماتها حــلوة +بصوت العفاسي = يعني روعه  ^^

 :

:

الدرس الفرنساوي 

من اعداد

.♥May.♥

 ^___^

:

حبيت اشكر كل من قال رأيه فيني في 

say @ me 

محد ذكر اسمه غير شخصين اخوي هاشم , واختي سمو انثى .. 

حاولت اخمن من الباقي بس خفت مايضبط تخميني واذكر اسامي غلط .. 

شكرا من كل قلبي .. مع اني حطيت الصفحه عشان اشوف سلبياتي اللي الناس تشوفها ومااشوفها .. 

فرحتوني كثير بكلماتكم وحسن ظنكم فيني  ..

=) 

انتوا اولى بكلمات الثناء هذه .. 

things that i don't like

things that i don't like 

 مااحب الاشخاص المزعجين .. اصوات عاليه,صراخ, قهقهات مرتفعه 

   
مااحب اللي يشوف الدنيا كلها "هو" ومايحاسب انه بأغلب حركاته ماعنده احترام للغيـر ! .. 

 مااحب امسك قبضة اي باب في مكان عــام لازم يكون بيدي كلينكس ^^" 

 مااحب احط شنطتي على مغسلة حمامات الاماكن العامــه ابدا 

 مااحب اللي ياكـل ويمسح يده في ثيابه بدون ماينتبه << هالحركــه تنـــرفزني وتشد اعصابي 

 مااحب اللي يفتحون جامات" نوافذ" سياراتهم عشان يحذوفون شي في يدهم 

 مااحب الاماكن المزعجه كثيــر 

 مااحب تجمعات الحريم كثيــر 






اتعب لما اشوف الناس تاكل كثيــر ><" 



 مااحب احد يحكم على الناس من الظاهر ..



 اتوتر لما احد يبتدي ياكل بدون مايسمي .. لاوياكل باليسار بعد!  >_>





 لما احد يعطس ومايقول الحمدلله !

هذه اللسته قابلة للزياده والتعديــل 

للعلم .. ترى اشياء وايد احبها في الحياة 
* اختي الصغيره تسولف معاي بعد الفجر اليوم .. 
تعلمت اني اصلي معاها جماعه خاصه الفجر ..
قالت لي تدرين شنو احلى شي .. وانا ساكته انتظرها تكمـل 
قالت لي .. اني اصلي وبعدين نستغفر وبعدها نقرا قران في جو هادي =) 


اي والله .. احلى مافي هالدنيا نفس مطمئنة تذكر الله =")

home sweet home ..

بسم الله الرحمن الرحيم ..

الف الحمدلله على سلامتي ..^_^ ..

رحنا دبي 10 ايام ..  استمتعنا الحمدلله ...

صحيح لين قالوا دبي داار الحي :) ..

:

:

المهم .. احلى مافي الرحله اني التقيت بصديقتي فـاطمـه .. 

^^ .. 

واهدتني هديـه جميــــله هي مجموعة اذكـار لهذي السنه :) .. 

السنه ماطلبت منها وتحسفت .. المجموعه السنه مليانه بالفوائد .. رائعه ..

:للطلب .. 
050363452
فتح الخط .. 00971


البريد الالكتروني .. athkar111@hotmail.com

ماعندي علم اذا تقدرون تطلبون الحين او انفذت الكميـه ^^" .. 

وسلامتكم ..

tag again ^^"

tagged by Al3enawyA

....................................................

 

Last beverage

ماي ..

Last phone call

tag rasi .. ابووي :)

Last instant message

في البي بي مسج

كنت اكلم وحده من البنات وردت علي تقولي 

سارقتها من وحده من البنات والحين بتهزأ !! ^^" 

Last song you listened to

سورة البقرة ..

Last time you cried

من يوميين

Last text message

الأفاضل أولياء الامور نذكركم بأن انصراف الطالبات غدا الاحد سيكون 12 ظهرا 
المرسل .. MIS !!!!!

وبعدييين معاااهم شنو يخصني بمدرستهم ماادري ><" 

LIST THREE FAVORITE COLORS

اخضر

ازرق

رمادي

THIS MONTH HAVE YOU

Made a new friend

yes

Fallen out of love

لا !

Laughed until you cried

لا

Met someone who changed your life

لأ .. 

Found out who your true friends were

اعرف صديقاتي عدل :) ربي يحفظهم ويوفقهم 

Found out someone was talking about you

الله أعلم ^_^ 

Have you kissed anyone on your Facebook friends list

لا

How many people on your Facebook friends list do you know in real life

خخخ وايد

21

How many kids do you want to have

4 .. 

Do you have any pets

مااتعامـل مع شي اسمه pets ..!

مع ان عندنا كل الانواع بس مااقرب منهم من بعيد لبعيد ^^"

Do you want to change your name

لا

كنت مااحب اسمي .. بس اشوي شوي بديت اغير رايي =)

What did you get for your last birthday

حشره !!

من اختي غلفتها بتغليف حلو وارفقت معاها بطاقة جميـله .. واخدعتني ><"

What time did you wake up today

5 الصبح

What were you doing at midnight last night

شفت شوي فلم ديفيداس(هندي) كان معاد

Name something you CANNOT wait for

..

اني اتوظف !

Last time you saw your father

الساعه 11 في الليل ..

What is one thing you wish you could change about your life

مممممم .. كذا شي .. بس اذا ماكنت مريت بهالامور ماكنت راح اتعلم وامشي بطريقي :)

What are you listening to right now

ولاشي ..

Have you ever talked to a person named Tom

توم ؟! .. لا

Who’s getting on your nerves right now

ممممم ..

Most visited webpage

تويتر , مدونتي , الفيس بوك .. 

what’s your real name

SARA ..

Nicknames

scribble

Zodiac sign

cancer

Are you a health freak

تقريبا

Do you have a crush on someone

نوو

What do you like about yourself

..

ماابي اجاوب .. 

What don’t you like about yourself

تقلب المزاج ..

الحساسيه الزايده من بعض الامور ..

Righty or lefty

يمين

FIRSTS

First surgery

الحمدلله .. no surgery

Your first best friend

كذا وحده مااقدر احدد  ..

First award

مااذكر بالضبط

بس على مااظن كنت بالصف الرابع

First pet

مافيش شي اسمه بيت في حياتي ^^"

WHAT ARE YOU

Eating

ولاشي

Drinking

ماي

I’m about to

انـام ..! 

Listening to

ولاشي ..

Waiting for

مااعلم ^^"

YOUR FUTURE

Want kids

ان كانوا خيـر لنا

الله يرزقنا :)

HAVE YOU EVER

Lost glasses/contacts

لا

Ran away from home

بالضبط لا

بس موقف مشابه صار خخخخ

Drank Pepsi

كنت .. بس وقفت اشربه فوق السبع سنين

Broken someone’s heart

جرحت احد !! .. ان شاءلله لا ..

Been arrested

no !

Turned someone down

مرات نكون مضطرين لمصلحة الشخص نفسه !

Cried when someone died

الله يرحمهم ويغفر لهم ..

:"(

DO YOU BELIEVE IN

Yourself

الحمدلله

Miracles

اكيد .
إنما أمره إذا أراد شيئاً أن يقول له كن فيكون

Love at first sight

لا :s

الله يثبت العقل

ANSWER TRUTHFULLY

Are you happy with your life

الحمدلله ..

Is there one person you want to be with right now

yes

Posting this as 100 Truths

اي نعم الحمدلله :) ..

----------------------------------

Im tagging

may .. 

توينكل .. 

بدون تعليق 

eyad

 ظاهر ..

 نجـود .. 

الله يسامحكم على الـtags ورا بعض ^^" 

هالمره الاسئله طويــــــــــــــله

الف شكر لج حبيبتي العيناويـه () .. 

صادووه !

جهاز الكشف في المطارات .. 

من أكثــر الاشياء اللي عقدتني ><" 

من امر فيه لاااااااازم يوقفوني :s

في كل المطارات هالموقف الا مطار الدوحـه ربي يخليه ويحفظه مايفشلني مثلهم ^^" 

والله صرت من اشوفه قلبي يخفق بسرعه من الخوف  .. يعني لازم اتفشل وكل مره يوقفوني ويسون لي سالفه ! 

اخر مره في مطار دبي .. الكل مر وعادي ماطلع صوت 

ويوم مريت انا .. الا طوووووووووووووووط قلت بسم الله شكيت اني بالعه دبوس وانا صغيره ولين الحين في بطني !! 

الا الضابط اللي واقف يقولي اذا كنتي لابسه ساعه او شي شيليها .. قلنا طيب 

ومريت مره ثانيه الا طووووووط ><"

قلت لاحوووول 

الا يقولي مري بدون النعال " وانتوا بكرامـه" ! .. قلت له خييير  .. لا طبعا

وقفت مكاني شوي ومريت مره ثانيه وبعد طووووط .. واهلي ينتظروني الكل مر الا انا ! 

اذكر اخـوي عصــــب ! بس مالي ذنب شوو بدي سااوي يعني ! 

عاد يوم مريت الا الجهاز بدا يغني مره ثانيه ...

عصب علي الضابط والله حسيته ماسك ضحكته غصب عنه .. قال اقولج مري بدون نعال وحطي نعالج في الجهاز 

وقتها عصبببت << تبون الصراحه فشـله يعني قدام الناس كلها ><" 

وسويت مثل ماقال ومريت بسلام .. 

ماادري شنو مشكلتي مع هالجهـاز :s .. 

:
:

^

^
ابغي اسوي نفسهـا بس بدون مايك مايحتاج ^^"  

:
:


اشراقــة 

افعل كل يوم شيء لا ترغب بفعله

..
هذه القاعدة الذهبية لاكتساب عادة القيام بالواجب دون ألم
مارك توين

صباح الخيــر ..

 ياربي يجعله صباح خــير ومبارك للجميع ..

..

اشتقت للصباح , اشتقت ان استيقظ كل صباح لابدأ بشيء جديد

ان شاءلله مانطـول مدة انتظاري ..

اريد ان استعيد نشاطي

"قعدة البيت" تقتل كل النشااط وكل الحياة الجميـلة خارج هالمحيط ..

اعتدت على الحركـة وفجأة أطلت الجلوس بدون حراك ..!

لااحب التنزه كثيرا ولااحب ان " احوط" في المجمعات كثيرا

اعترف ان البيت مكاني المفضـل وسط جمعة الاهـل

لكن احتاج الى العمـل , احتاج الى الحركـة ..

اخطط اني ازور صديقاتي في الجامعه ..>> :s مااظن في احد فاضي يوديني

>> سؤال .. ليش البعض يشوف ان البنت تقعد بدون شغـل افضـل لها !!! <<< الشغـل يغيـر تفكير الواحد ونفسيته يتواصل مع الناس , يطور نفسـه , يعتمد على نفسه ..

.....

اعجتني هالمقوله .. ""أحيانا تحتاج إلى لطمه قويه على جانب الرأس تزيل الإفتراضات التي تبقينا نفكر بنفس الطريقة- روجرفون أويك""

يمكن لانها فسرت شي ودي انه يكون >"

..........

حاليا في موضوعين اتمنى انهم يتمـّوون في القريب العـاجـــل ,, اسعى لتحقيقهم .. :)

....

من زمان ماسولفت ^^ ..

ادعوولي 

ثرثره من نوع آخـر !

بعضـا من ثرثرتي .. 

-اكتشفت مؤخرا اني احمـل ايجابيات لا بأس بهـا

-انا ( صبــوره ) بدرجـة كافيه على مااعتقد طبعا

-من الصعب اني اتخلى عن قناعاتي بسهوله ( بمسمى آخـر عنيده جدا ) 

-ان كرهت احد من الصعب اني  اتقبله مرة آخرى الامر الاقرب المستحيـل .. لكن لا اكره احدا بسهوله ~ 

-اعتقد ان هذه الفتره يلازمها الجمود والترقب ليست فقط بالنسبه لي لكن ايضا بالنسبه للكثيرين سواء اعرفهم ا و لا .. مجرد شعور .. فالجميع ينتظر شيئا مايحدث ..

- أمور كثيـرة تجعلني افقد سيطرتي على انفعالاتي .. اتمنى اني استطيع  اتصرف بحكمـه ! 

-البعض لاتستطيع ان تتصرف معه الا باسلوب مساير وان خرجت عن هالاسلوب ينقلب عليك رأسأ على عقب !! مصيبه هالصنف

-انا انسانه غير متفائلة كثيرا ( للاسف واحاول جاهده تغيير هذه الصفه ) لكن من امسك قلمـا أجدني ارسم هذه الابتسامه =) ..!

-من المستحيل ان أُخطئ في كتـابة كلمة ( ذلك) .. لاني اخطأت فيها مره واحده وحسرت نصف درجـه في الصف الرابع ^^"

- واخيـرا .. اتمنى ان استطيع ان أُرجع نظام حياتي الى الوضع الطبيعي فأنام ليلاً و أستيقظ نهاراً :s 

back .. :) ..

السلام عليكم ورحمة الله وبركاته ..

:

:

نأسف على الانقطاع الطويــل ..

هالبوست بيكون مليان اخبـار تجميع الايام اللي فاتت ..... .. 

اول شي احب اشكر الاخ نمووول على الهيدر الرائع .. يعطيك العافيه وماقصرت : )

: 

تقرير رحـلة لبنـان .. وبما اني طولت هناك كثير so .. عندي صور كثييييره ماعرفت شنو اختار منها

اخترت لكم كم صوره وان شاءلله يعجبونكم ..

الطبيعه والجو اكثــر من روعه شي يريح الاعصااب والله ..

التلفريك اللي وقف علينا حول دقيقتين او اكثر :s

من اروع المناظر .. هذا في فريـا .. عند الثلج ..

وهالمنظر من غرفتي : )

SNOW MAN ,, :) طبعا قبل تكملة الستايل كامل

منطقة الجبيل .. روعه هالمنطقه من اكثر المناطق اللي حبيتها ..

..

( فقدت هناك الهنود , جد نادر اذا شفت هندي اشتقت لهم ^^" .. بعكس بلاد الخليج كلهـــــــا هنوود خخ ) ..

:

:

صوتيات العفاسي ..

الصمت در  ( للتحميل والاستماع )

توشك العين تغيظ ( كامله ) .. للتحميل والاستماع 

مصحف قطـر ..

بدء تداول مصحف قطر ..

" بدأ التفكير بمصحف تضطلع دولة قطر بخطه وطبعه قبل عشر سنوات، في رحاب وزارة الأوقاف والشؤون الإسلامية.. للمزيد 

..شاهدت حفل بدء التداول بالكامـل .. الله يجزيهم الخيـر جهد واضح ومبارك بإذن الله ..

الى الان لم نحصل على نسخه من المصحف ان شاءلله  قريب نحصل عليه : ) ..

:

:

امس بدا معرض قطر المهني 2010 ..

ما ادري اذا بيكون منه فايده ولا بس اسم مثل كل سنه  !! ..

:

:

بدأت حملـة ركاز تحت شعار ..

حـلو نعيش بمسؤوليـة ..

والتي تهدف الى تعزيز المسؤولية الذاتية عند الشباب..

( الشعار عجبني كثير احسه قوي , اعتقد ان هالجيـل محتاج لـ هالحمله اكثر من غيره ) ..

دليل الحمله

للتحميـل

جدول الحملة في قطر ..

أناشيد الحمله ..

النشيدة : نبحر بهالدنيا

المنشد : مشاري العرادة

رابط النشيدة :

http://www.rekaaz.com/audio/playmaq-1744-0.html

رابط النغمة :

http://www.rekaaz.com/audio/playmaq-1747-0.html

النشيدة : تصرفي مسؤول

المنشد : قتيبة الزويد

رابط النشيدة :

http://www.rekaaz.com/audio/playmaq-1745-0.html

رابط النغمة :

http://www.rekaaz.com/audio/playmaq-1748-0.html

النشيدة : حياتي بالقيم أحلى

المنشد : عبد القادر قوزع

رابط النشيدة :

http://www.rekaaz.com/audio/playmaq-1746-0.html

رابط النغمة :

http://www.rekaaz.com/audio/playmaq-1749-0.html

الله يوفق القائمين على الحملة ويجزيهم عنا كل الخيـر ..

:

:

التحكم في قوالب بلوجر ..

والله وتطورت يابلوجر ^_^

درس مفيد جدا عن اضافة بلوجر للتحكم في القوالب بسهوله ..

من مدونة احمد العازمي ..

:

:

ان شاءالله يكون بوست خفيف ومفيد وممتع .. كما ارجو : ) .. ودمتم بكل الخيـر ..