اليوم الوطني تــايم ~18ديسمبر

بسم الله الرحمن الرحيم ..

صبرنا لها مازعزع الدهر عزمنا

ونلنا بها العليا على كل طــايــل

من كلمات المؤسس

18ديسمبر

ذكرى تأسيس قطــر

18 -12-1878

الذي قاد فيه الشيخ جاسم بن محمد بن ثاني رحمه الله
شعبه نحو التأسيس وإرساء قواعد الـدولـة الـحديـثـة

:

موقع اليوم الوطني

اليوم الوطني القطر ي مميز ..

ليس مسيره وتفحيط كما يعتقد البعض ..

الفعاليات المقامـه متميزة جدا

الصباح العرض العسكري

بحري وجوي وبري ..

الظهر كانت فعاليات عرض السيارات القديمـه اعتقد ماحضرتها بس سمعت عنها

الليل .. فعاليات الالعاب الناريه المتميزة ..

وبعدها المسيره اللي اتمنى ان شبابنا يرتقي عن حركات الرجعيه اللي الى الان يمارسونها للاسف ..

وطبعا قبل الاحتفال بأسبوع تبتدي العرضات كل قبيله تقيم عرضه خاصه فيها

وقد اقامت اكاديمية اسباير اكبــر عرضــه

ودخلنا بها موسوعة جينس للارقام القياسيه : )

الفعاليات الادبيه والشعريه

سباق المسيله

فعاليات مخيم "درب الساعي"  التي تقام تخليدا لذكرى "مناديب" المؤسس الشيخ جاسم بن محمد بن ثاني رحمه الله ودعوة لاكتشاف صفاتهم التي تميز هويتنا القطرية

حبيت اشكر كل من شاركنا في احتفالنا باليوم الوطني من ابناء الخليج

ماقصرتوا

تجهزنا من بعد صلاة الصبح وست ونص  طلعنا من البيت

واحنا بطريقنا للكورنيش

شفنا هالسياره ^^"

تأأخرنااا وماحصلنا مكان نقعد

تمينا واقفيين تقريبا 3 ساعات ..

..

صور من العرض العسكري ..

الصوره مب راضيه تعتدل اقلبوا الشاشه وشوفوها عدل : )

والله عندي صور كثيره بس بطء الجهاز اللي استخدمه يعـــــل

عشان احمل هالصور بس اخذ مني يومين لازم اسكر الجهاز وافتحــه :/

شفتوا المعاناه :"

ودام عزج ياقطر

: )

Qatar²º²²

 

سرنا بخطط مدروســه

ووصلنـا للهدف 

مفخرة لقطر وللشعب العربي والاسلامي 

مبرووك قطــــر

مبرووك اميرنـــا 

مبروك لنا جميعاا 

فرحتنا لاتوصــف 

قطـر رؤيتهــا بعيده جدا ..

ليس احتضان كرة القدم فحسب 

انمـا هي ابعد من ذلك 

سياسيا ودينيا واقتصاديا .. 

ودام عزك يا بومشــعـــل 

: )

كلمـة لـ أوباما .. ردا لكلمته .. 

ان الفيفا اخطأوا باختيار قطر بدلا من امريكـــا .. 

عفوا اوبامــا .. هذا بومشعــل

نجـوم العـــلـوم

نجـوم العلوم

بادرة قطـريه 

وفخر لجميـع الدول العربيـه ..

حققت هدفا كبيـرا باحتواء الشباب المخرعين  عن طريق المدينة التعليمـيه في قطر

ليكونوا على المنهج الصحيح ويصلوا لهدفهم .. 

الاختراعات جميعها كانت كبيرة ومبهره .. 

التصفيه الاخيره تضمنت اربعة مخترعين

الفائز بالمركز الاول الكويتي صادق قاسم .. 

الف مبروك للكويت : ) 

اختراعه كـان 

جهاز لسحب ومزج العينات الكيميائيه .. 

الجائزة .. 300,000 دولار

المركز الثاني .. المصـري عبدالله ابوزيد .. 

الف مبروك له ولكل المصريين 

بصراحـه اشوفه هو اللي يستحق المركز الاول بس التصويت لعب دور : ) 

اختراعه كـان .. 

مفاصـل لتسهيل حركـة الروبوت 

الجائزة .. 150,000 دولار

المركز الثالث

اللبنانيه .. هند حبيقه 

الف مبروك ياهند : ) 

اختراعها كـان 

قياس نبضات القلب عبر نظارات السباحـه

الجائزة .. 100,000 دولار

المركز الرابع .. 

السعـودي .. أحمد الغازي
الف مبروك له وللسعوديه  .. 

اختراعه كــان .. 

آله مساعده لأوجـاع الركبتين

الجـائزة ..50,000 دولار

بما أنهم وصلوا المرحـله النهـائيه .. 

كـلهم أعتبرهم المركز الاول .. 

الله يوفقهم يارب

ومبروك لقطر هذا الانجـاز 

: )

. يوم آلتكآتف وآلولآاء وآلعزه

. يوم آلتكآتف وآلولآاء وآلعزه

18.12

مامثلها والله بلد  
غنت لها طيور السعد 

اعشق سماها وأرضها 

والله كرمهـا في حمد 

:

:

مصدر الصورة2 .. Ali Saifaldeen flicker

داري قطـر 

و دمتِ  للعـز  رايـة

:

:

مشاري العراده .. يالدوحة ..

رابط آخر
:

دامن قطر بقلوبنا وعروقنا الحيه .. وارواحنا وانفاسنا متكونه فيهاا

دام الوفا والتضحيه في خالص النيه .. نحيا ونحيا وان بغت بالروح نفديها

يالدوحة مامثلج .. فالكون مملوحه .. حبج في قلبي غير مفضوح في بوحه

ياحي اسمج ياقطر والله يااحيه .. يحلى قصيده بـ الغلا شاعر يكفيهاا

ياحي كلج ياامل عمري ومااضياا .. لا يابعد عشق القلوب الي نسميهااا

يالدوحة مامثلج .. فالكون مملووحه ..

الاول ,التالي معك .. بالروحه والجياا

حتى الطفل يقطر قطر ..يوم (ن) يهجيها .. هاذي قطر ياللي تبي .. علم (ن) سرى فياا

متناغم (ن) يومن سمع .. منشد يأديها .. يالدوحة مامثلج .. فالكون مملوحه

حبج في قلبي غير مفضوح في بووحه


.♥ QTR...♥

سنتحــول :\

اعتقد .. ان قطـر ستتحـول الى بلد اجنبي في القريب العاجـل !

والمقيمين سيتحولون الى مواطنين ..

والمواطنين .. الله اعلم وين مصيرهم ..

:

" دخولي المدونة سيكون متقطعا هذه الفتره لانشغالي "

فـ اسمحولنـــا :)

someting creative .. !

بسم الله الرحمن الرحيم ..

my vision 

( قطر بأيدي قطـريـة ) 


:
:

تكلمت في موضوع قديم ( عن قلة او بالاصح ندرة المدونات القطريـة ) ..

..

واليوم .. بتكلم عن ( اختفاء الشباب القطري من ساحـة الابداع !)

ادري ان هناك كثيــــر من شبابنا متميز وعنده قدرة على التطوير والابداع بشكل كبير .. بس وينهم !!

ليش مختفيين .. ؟

الدولة عندنا تستعيين بخبرات شبابيه خارجيـه ( وشبابنا قاعد! )

( اغلب الـ activities  .. من  الاجانب ..! ) ليش ليش ليش ؟؟؟


طيب اذا الدوله مااعطتهم الفرصه مع انه العكس ( اعتقد قطر من اكثـر الدول اللي تعين شبابها وتوفر له السبل ليتطور وينتج ويبدع  حتى في مجال العمل )

بس مع ذلك ماانشوف بصمـة واضحــه !

الكلام كثير .. وكثير اللي يتكلمون .. بس مانشوف ناتج !

مجموعة كبيره من الشباب اللي منضمين الى الجمعيات التطوعيه وغيرها .. بس اعتقد ان كل جهدهم منصب على مجموعة قليلة جدا ..

..

الاعلام .. وين الشباب القطري منه ؟؟  .. التلفزيون كله يمكن المذيعين القطريين المتمكنيين مايتعدوون الـ 5  ! 

والبرامج المبتكره او الجديده  ماتتعدا الـ 3 او 4 برامج  .. طيب ليش ..؟

برنامج شبابي وااحد فقط  اللي شفته  هو ( لكم القرار ) واعتقد هوكل شهر اذا مب انا غلطانه

البرامج الدينيه .. مانشوف الا ( الشيخ عايض القحطاني ) القطري الوحيد في هالمجـال .. مع ان شباب كثيرين فيهم الخيـر بس وين الفرصه لهم ! او بالاصح ليش مايحرصون انهم يتقدمون بهالخطوة ؟ 

الاذاعـة .. برامج اذاعة قطـر حلوة ( بلاش نظلم احد ) 
اذاعة القرآن الكريم ( من رأيي يبيلها شغل وتعب اكثـر ) << بس هذا مايعني ان مافيها برامج حلوة .. فيها ومن ابرزها .. كيف اصبحت 

غير المجال الاعلامي .. مع اني اشووف انه مهم جدا

مجال الانترنت ؟؟ .. وين شباب قطر منه ؟ 

مدونات .. مافيه الا نادرا

منتديات..  قليل اللي نشوفه منها  ناجح ومفيد .. 

حاولت ابحث عن قروبات قطرية متميزة بالفيس بوك  مالقيت ..

التصوير والفلكرات <<< كثييييييييييييييييييييييييير والكل منصب هنااك !

اتمنى القى الشباب القطري في موضوعي هذا واسمع ارائهم ..

واسمحولي على الاطاله :)

دمتم بكل الخيــر ..

حصري في qtr ...

ضحكنـــــــــــــــــي 
خخخخخخخخخخخخخخخخخخخخخخخخخ
صــــــــادق  والله

::

والله يلوم اللي يلومنـا  ^_^  
ويقولون " تقطيــــر "  !!!!!! 

! التدوين القطري ..

افتقد عالم التدوين القطري ..

يبهرني فكر الشباب .. السعودي , الاماراتي ,وايضـا الكويتي 

مدونـات ازورهـا راائـعه .. رقي في الفكر والابداع ..

لكن اين الشباب القطري من هالمجـال ..

حاولت تتبع اكثر من مره علني اجد مدونـة قطريـة  .. للاسف  لم اجد شيئـا ذا قيمـه غير مدونـه واحده

هي  | مدونـة وسوم | ا

وسبحان الله وجدت نفس الموضوع اللي اتحدث عنه في هالمدونـه ..

>> يعني مب انا بس افتقد المدونـات القطريـه  ^^>>ا

ومن مدونة وسوم توصلت لكذا مدونـة اعجبتني واسعدتني كذلك 

مدونـات قطريــة ..

كلمات ..
مدونـة جميـلة .. بتستمتعون بها ان شالله ..

ايضـا
مدونـة عمـار توك

شبابية منوعه ..

مدونـة تاكسي اصفر


مدونـة .. بدون تعليق ..

كذلك .. مدونـة توينكل ..

مدونـة جنون عاقـل ..

مدونة الفرس 
..


..

للاسف .. انها براعم

:
:
نبذة عن "براعم"


"براعم" قناة أطفال ما قبل المدرسة، تخاطب الأطفال من سن 3 إلى 6 سنوات. وهي أول قناة عربية مصمَّمة وموجهة لهذه الشريحة العمرية. وقد تم تصميم مختلف برامجها المنتجة في القناة أو المنتقاة من شركات الإنتاج العالمية بعناية كبيرة كي تساهم مشاهدة القناة في تقوية مدارك الأطفال وتعزيز قدرة استيعابهم للأشياء المحيطة بهم.

نعم تسـاهم في دمـاز طفـل لم يتجاوز السادسـه ..

وربمـا كانت خطتهم انها تساعده في فهم مفاهيم الغرب والعيش بها ..

ام انها تساعدهم على معنى الحب والعشق

لاادري اي ادراة برامج هذه 

..

اختي الصغيره حاطه على القنـاة 

وكان مسلسل : مستشفى هيلتون: >> اعتقد هذا الاسم


كانت قضية الحلقة عن عيد الحب

وظهرت لقطـات جدا خااطئة حول هذا الموضوع ..

وطبعا غيرها من المواضيع .. تابعها وقرر ان كانت للبراعم المسلمين حقـا ام لا ! .. 


لااعرف اي براعم يجب ان يتربون على  هذا الاساس الخاطئ ..



ويقولون براعم

" اتمنى ان تكون قيادة هذه القنوات من قبــل قطريين ! "

بدون تعليق .. !

!||الأمير: نصاب قمة غزة ما إن يكتمل حتى ينقص
.. ||حسبي الله ونعم الوكيل

سموه في خطابه للأمة: كيف يأتي الفرج وحالنا على ما هو عليه؟

من العيب أن تناقش قضية غزة القومية والإنسانية والمضرجة بدماء الأطفال على هامش قمة معدة سلفاً وفي جلسة تشاورية

حسبنا الله ونعم الوكيـل ..
..................


أين انتم ياقـ ـادة .. !

تضامنـا مع غـ ـزة =)

بعد ان طالب شعب دولـة قطر من الحكومه الرشيده ان يتم إلغاء مهرجان الإغنيه تضامناً مع اخواننا في غزة تم التجاوب ولله الحمـد

قررت اللجنة المنظمة لمهرجان الدوحة للأغنية إلغاء المهرجان المقرر عقده في الفترة من 28
يناير الحالي حتى الثاني من فبراير المقبل ؛ تضامنا مع الفلسطينيين في محنتهم .
.................
وتم الغاء مهرجـان اغينة صوت الريـ ـان
...........
وتم الغـ ـاء مهرجـ ـان التسـ ـوق المقرر عقده في فبراير

=) ..

جزاكم الله خير ماقصـروتوا يالعضيـد

وشكـرا قطـر ..

والله أحبج يـا قـطـر ..

عــاد عيـدج ياقطـر ..


كل عام واهل قطر كلهم بخير وعز وامان .. =) ..

Qatar Forever..

هذي قطر تآجـ ـ\ن على رووس الأوطـان..ارض الشموخ وموطـن العز كـله

\

/

\

/




(الموقع الرسمي لاحتفالات اليوم الوطني )