29‏/06‏/2009

FIRST DAY @ WORK



السلام عليكم ورحمة الله وبركاته ..

وهاذي تدوينه اول يووم ..

اول يووم .. كان متعب جدا جدا ..
اول شي اني ماانمت الا تقريبا ساعتيين  او ساعه ونص

تجهزت بسرعه ونزلت اشوف من بيودني .. اما اخوي او ابوي ..

طلعنـا من البيت انا واخووي

كنت متـــوتـــره

وكل ماقربنا من المكان تمنييت ان المكان يبعد 

المهم

 وصلت

نزلت

على طوول رحت حق المسؤول عني

استقبلني بإبتسامـه ترييح

واخذني بجوله عشان يعرف الـموظفين علي ويعرفني عليهم

اغلبهم اجــانب اذا ماكان كلهم ..

المهم ..

قالهم هاذي
 
MISS SCRIBBLE ^.^


وكيت وكيت وكيت

انا متوتره وبنفس الوقت منحرجـه
ومعفوسـه فووق تحت

اللي يبتسم واللي يقول هاي واللي يقول سعداء انج معانا

قام واحد منهم وقف في ويهي ومد يده !!

انـا بلاتفكير مديت يدي وسلمت
 !!!!!!!!!!
لاحد يعللللق ترى كل شي صار بدون تفكييير سلمت يوم انتبهت على عمري سحبت يدي >>> بعد شنو الله يخلييج

بعد حفلة التعريف

وداني يرويني مكتبي >> وخرووووا عنهــا 

قعدت وقام يعرفني على الشغل

وقالي راح تكونيين في اكثر من مكان خلال فترة التدريب

وبدينـا بأول عمـل

وبعدهـا عطاني رقم مكتب ارووح له عشان اخلص شغـله

وادووور المبني فوق تحت تحت فووق
نصــــــ ساعه وانــا ادووووووور

ومالقيته !

رحت حق السيكيوريتي >> ليش ماياتني الفطانه اني اسأله من  اول الموضوع مادري

المهم

يدور هو انا وراه ويدوور ويدوور

وبعد دقـائق 

لقينــاه

تدرون شنو طلع

ووين طلع

طلع رقم المكتب اللي عطاااني ايااه

طلع .. مخززززن ><'

والاخ طلع ماعطني رقم المكتب غلط

زين مارجعت له وظربته

..

رجعت بعدهـا مكاني
وكل مايعطيني شي اكمـله واشتغل عليه بضميير
>>> وايد مشتطـه ادري


وووبس ليين اخر الدووام

وخلصت وسلمت له اللي الاوراق اللي خلصتهــا

وطلعت

وووبس

وهذا كان يومي الاول بالتفصيــــــل الممل

بس ان شاءلله ماتمللتوا =)






نسيت اقوول .. وانا اشتغـل ياني موظف بعد اجنبي ويسولف ويسولف ويتكلم اول شي خذت وعطيت وبعدين ابتسمت بس خلاص لين متى اتكلم وهو يتكلم لفيت اشتغلت شككله يحب يتكلم واايد وانا مااحب اتكلم مسكيين طييب ويبي احد ياخذ ويعطي معاه وانا اي ايوا اها يس وبس ^^ لين سكت

14 COMMENT.s:

وجـــدان غـــاليتك يقول...

أول يوم تصرفاتك فيه طبيعيه المكان والأشخاص جددعليك ..بس ضحكت من الي مد يده يسلم ): ..يرحب من قلب ياكافي ههههه وثاني راعي رقم المكتب الغلط ): هذا ينطبق عليه المثل اتيواني الي يقول..جبتك ياعبد المعين تعين لقيتك ياعبدالمعين عايز تنعان ههههههه..تقولين عن نفسك مشتطه قصدك مجتهده الله يكتب لك التوفيق ويرفع قدرك يارب ..تقبلي تعليقي..دمتي بصحه وعافيه,,,,

هاشم يقول...

ماأشجع عمل المراة في بيئة اختلاط خاصة إذا كانت محافظة ,, لأنك مابتأخذين راحتك أبداً أبداً ,, الله يصبرك على فترة التدريب هذه وتشوفين لك بعدها شيء أفضل.

ابو علي بن علي يقول...

اسال الله لك التوفيق والسداد وان يحفظك وان يجعلك مباركة اينما كنت
العمل في مكان مختلط له سلبيات لا تخفى ولكن لعلها فترة مؤقتة وييسر الله لك أفضل من هذا المكان

jonoon 3aqel يقول...

و لو اني ما افضل ان اختي او زوجتي تعمل في مكان مختلط..إلا إني (( لن أعارضه)) ابدا...

يكفي رسم حدود واضحة و صريحة من البداية و الالتزام بها عشان انتي تاخذين راحتج..و غيرج يعرف حدوده..

الله يستر عليكم و يفتح لكم ابواب الخير و الحلال...و يبعد عنكم اصحاب النفوس المريضة و السيئة..

دمتم بخير
تحياتي

إنسانة يقول...

هههههههه ،،
يحليلج يا scribble ،،

عيل لازم انتبه باجر و اذا حد مد ايده ما امد ايدي ،،
اوييي فشلة صدق ،،

الله يستر من باجر ،،
بيكون اول يوم دوامي ،،

ادعيلي scribble ،،
و دمتي بود حبوبة ،،

Alfaras13 يقول...

ان شاء الله تكون فترة غنية بالفوائد لج، استفيدي من كل تجربة قد ما تقدرين

سمو الأميرهـ يقول...

يالله الله يوفقج اختييه ،،

^^

و عقباااال الوظييفة ،،

^^

lil.D يقول...

هههههه والله إنتي حفلة :) ... !
أنا أول ما داومت رفضت رفضاً باتاً اني اروح اخذ جولة تعريف على الموظفين .. تميت اسبوع لين عرفتهم مع الشغل ...

ولا أول يوم .. داومت شوي .. عقب قلت لهم برد البيت < انصدمت نفسياً صراحة من جو الشغل !!



الله يعطيج العافية ان شاء الله .. الله يكفيج شر الشغل ويعطيج خيره .. نصيحة من أخت انصدمت فالدوام قبلج:

1- داومي على أذكار الصباااح والمساء.
2- لا تنسين دعاء الخروج من المنزل.
3- احتسبي النية في العمل واخلاصها لله سبحانه وتعالى.
4- لا تاخذين وتعطين مع حد أبداً إلا في خصوص الشغل، لنه بعد فترة بيصعب عليج انج تعودينهم انهم ما يسولفون معاج بعد ما عودتيهم يسولفون!
5- بما إن شغلج أغلبه أجانب :) !! أتمنى انج تكونين لهم القدوة الحسنة والصورة الطيبة عن المسلمات and I know you are !!!




:D Have a nice Working Days~

Scribble يقول...

اول شي نرد على الشباب ومن ثم البنات لانهم متفقين على عدم الاختلاط ^^

هاشم .. ابو علي .. جنون عاقـل ..

اتفق معاكم .. انا بعد ضد الاختلاط بس مُجبر اخاك !

اغلب الدواائر اصبحت مختلطه حتى المدارس ان كانت مدرسة بنات لابد فيه موظف رجـل والعكس صحيح ..!

بس الواحد بنفسـه يقدر يبني الحواجز اللي يبيهـا ويفرضهـا في تعامله مع الاخرين ..

وانا يوم اخترت المكان اللي اتدرب فيـه اخترتـه بيئه اجنبيـة تقريبا 90%
وسبحـان الله الاجانب غيير في تعاملهم في العمـل عن العرب ..
يمشوون معااك في حدوود العمـل وبس ..


شكرا لكم اخواني على كلامكم ونصايحكم الطيبه ..

حياكم الرحمن .. =)

Scribble يقول...

الحين دوور البنـات ..=)

وجدان .. ^_^ شكرا وجداان على مرورج الحـلو والخفيف على القلب

انسـانـه .. >>> موووفقـه بدواامج ^^ وننتظر التقرير

سمو الاميره >>> كأني بكنسل سالفة الشغل قوومة الصبح مب حلووه يااختي :s

الفرس >> ان شاءلله ابلة :)

lil. d >> نصاايح على عيني ورااسي ^^
وهذا اللي نمشي علي والله يحفظنا ويوفقنا للخير ..


وتسلموون بنوتات على مروركم

حياكم الله ..

بتـول يقول...

الله يوفقك و يفتح عليكِ ^ ^

Scribble يقول...

جميــعــاياارب..

سعدت بمرورج بتوول =)

COCONUT يقول...

أولا الله يوفقك ويحفظك ويرزقك من حيث لا تحتسبي..آمين
ثانيا أنا اتفق تماما مع نصايح اختي lil.D
انا كنت اشتغل في الوظيفه والمكان اللي احلم فيه
كان وقت الشغل وساعاته تمنعني من ان يكون لي حياه اجتماعيه ..يعني زيارات وطلعات انسيها..بس كنت مبسوطه
إلا من حكاية الاختلاط مع إننا في قسم والرجال في قسم لكن شكل الوضع عجبهم ومصخوها:(وآخرتها تركت الشغل ..مع إن المدير قال انقلك اي فرع ثاني ..بس الوضع كان حيكون نفس الشي:(..طبعا الناس شافوها اني رفست النعمه؟!
ما اقول غير الله يرزقنا من حيث لا نحتسب وابدأ مشروعي بنفسي ..يسلموا سكريبل ..

Scribble يقول...

ياحلــو هالطلــه .. نورتي والله ..
:


ومن ترك شيئا لله عوضه الله خيرا منه =)

الله يوفقنا جميعـا لما يحب ويرضى ..


كوني بالقرب

إرسال تعليق

 
Blog Template by Delicious Design Studio