13‏/10‏/2009

MACBOOK



http://www.macarabia.net/portal/images/stories/mac%20mini.jpg

MACBOOK ..

جهـاز متطور وحــلو ..
وخــاصــة للتصاميم وتوابعه ..:)

بس يمكن صعب التعود عليه في البدايه لان اغلبنــا متعود على الويندوز ..

:
انا شخصيا ماعندي ماك ..  واتمنى اني اشتريه بعد ماجربته  ..
:
وحده من الاهـل .. كلفتني اني احــوس بجهازهاا .. وانزل اللي يحتاجـه وووو ..

طبعا بما اني اول مره استخدم المــاك .. 
فـ لازم احـووس فيه من الالف الى اليااء ..

وطبعا دخلت مواقع عشان افهم شلوون اتعامــل معاه ..

وشوي شوي عرفت له .. اكيد مب بيرفكت بس الحمدلله جمعت كذا شي ..

..

قلت احط الموضوع يمكن احد يستفيد منـه .. :)

لقيت هالموضوع في منتديات قطر فوتوبول شبه متكــامــل بإذن الله تستفيدون منه ..
..

اكثـر شي كان معوقني ان مافي رايت كليك !!
بس قريت الموضوع واكتشفت السر الخطير وشلون اسوي الرايت كليك ^^"
من system application
بعديين
keyboard and mouse
بعدها
tracpad
وبعدهاا
اتبع اللي بالصووره ..


وبعد ماتسكر الويندو
جرب انك تسوي رايت كلك وبيستوي ..





والله الموضوع كثيير مفيييد ..
حطيت لكم اللنك واللي يبغي يطلع عليه ..

والله يجزي من تعب على الموضووع كل الخيــر <<< اقصد كاتب الموضوع اللي حطيته مب انا :p

وووان شاءلله كلكم تحصلوون ماك هديه <<< كل شي جاايز ^^


8 COMMENT.s:

iCoNzZz يقول...

شكراً عزيزتي على الشرح ^_^
آنا ماحبيت الماك أبداً لصعوبة تشغيل البرامج عليه ولأنه
يجب تنصيب برامج معينة عليه !
وآنا شغلي أغلبه برامج ..
لكنه بالجرافكس والوضوح ممتاز

jonoon 3aqel يقول...

افكر اخذ لي واحد و الله..
بس مب الحين...الله يطول بعمر اللي عندي..
واحد من الشباب يمدحه وايد وايد...و بصراحة..من تعاملي البسيط مع الماك..
أحسن من الويندوز..لا يشير..و لا يعلق كثير..


جزاك الله خير اختي

تحياتي

نمووول يقول...

ومو بس الرايت كلك التراك باد وايد مفيده تقدرين من خلالها
تبدلين بين البرامج وتكبرين وتصغرين ووايد مميزات

انا جهازي ماك بس توني ماخذه متربي على الوندوز
الدرس وايد مفيد وتعقدت اول ما خذيته عشان اتعلم كل هالاشياء
الي يفكر ياخذ ماك اقوله لا تتردد توكل على الله واخذه واذا مشكلتك
ما تعرف له مع الوقت راح تتعود وفي ميزة اتمنى تضيفينها للموضوع


في الماك انه يقدر يشغل نظامين مع بعض يعني يشغل الوندوز مع الماكنتوش
وهاذي ميزه خياليه يخليج تستفيدين من النظامين وللعلم اجهزة الماك هي الاسرع في تشغييل
الوندوز اتمننى ماكون تكلمت وايد
شكراً على الدرس مفيد خاصه للجديد مع الماك

SCRIBBLE ..♥ يقول...

ايكوونز ..

يمكن صعب التعود على المـاك لان متعودين على الويندوز في كل شي وصحيح الويندوز سهـل انج تحملين عليه اي برنامج :)

نورتينـا

SCRIBBLE ..♥ يقول...

جنون عاقل ..

الله يسهــل لك وتشتري الماك .. بس الله يخليه اللي عندك الحين ^^ بعد التخرج اخذ لك واحد

حياك الله

SCRIBBLE ..♥ يقول...

نمـوول ..

انا اشتغلت عليه تقريبا ثلاث ايام وكل يوم احبـه زوود ^^

هو صحيح صعب في البداايه بس شوي شوي يسهـل وتتعود عليه


اي انا سمعت من قبل اني اقدر اشغل نظاميين عليه
ان تخلي بارتيشن واحد عليه الوينوز والثاني المـاك
واذا كنت تبي تبدل بين النظامين تسوي ريستارت للجهاز وتختار النظام اللي تبيه


شكرا على تزويدنا بالمعلومـات

ومبروك عليك الماك :)

حياك الرحمن

BrHoOoM يقول...

بالعكس الماك روعته في سهولة استخدامه ما فيه تعقيدات بالاعدادات مثل الوندوز وغير كذا نظام جدا قوي للمصممين و والمصورين والي يتعاملون ببرامج الملتيميديا
واهم شي انه يفتح نفسك للشغل :)

انا عندي واحد بس بالمكتب :( << قهر مو خخخ

SCRIBBLE ..♥ يقول...

برهووم ..

صحيح سهـل بس لانـه اغلبيتنـا اذا مو كلنا متعود على الويندوز ونظامـه فنشوف البدايه صعبه :)

وهو يفتح النفس يفتح النفس ماودك تفارقه ^^

يالله الله يرزقك واحد بالبيت :D

حياك الله اخـوي

إرسال تعليق

 
Blog Template by Delicious Design Studio