01‏/11‏/2009

1 2 3

بسم الله الرحمن الرحيم ..

:
:




روتين ممـل ..
:
بديت احس بالملل الفظيع ( بكل ماتحمله الكلمه من معنى !><)
:

ادمنت الافلام ( الهنديه !! هاليوميين ) مااعرف شنو اللي صادني ..

:

ممممممم

خلني اقولكم كم سالفه << لاحد يدخل ويقول مافهمت ترى بروحي متملللله ومالي خاطر اشرح

..

1. ( اول سالفه ) 

قصة ماقبل النوم ..



انا ماعندي خيـــــــــال ابدا .. يعني صفر على الشمــال في تأليف القصص
مااعرف اقول اي قصـة

عندي اختي الصغيــره .. وكل ماتنام معاي تطلب اني اقول لها قصه

( بصراحه من نعومة اظافري مب حافظة الا قصه وحده الا و هي ..
كان يامكان
في قديم الزمان
كان هناك مره ( امرأه ) عندها حيواناااااااات واااايد ( المفروض تكون مزرعه بس مش حالك)
وانها حطت العيش فوق السطح
وحذرت الحيوانات انهم ياكلونه
لانها بتروح السوق وبترجع << طيب الحيوانات في  المزرعه شنو اللي جابهم فوق السطح !! والله سؤال وجيه بس بنغض النظر عنه

المهم
راحت
ورجعت لقت العيش مب موجوود ! وهناا تثور المرأة غضبا
وسألتهم من اللي أكل العيش
قالوا ماندري << ترى الحمار اللي كل العيش بس هو كذاب

وووو تسوي خطه وكذا عشان تعرف من اللي اكل العيش وبتعرف في النهايه

(( وكل مره ازيد كلمه ولا انقص كلمه ومره اخليها مزرعة حيوانات اليفه ومره بس طيور ومره ينضاف الاسد والنمر !! ))


وطبعا اختي صارت اذا بديت بـ مره عندهاا .. قالت اوووووه خلاص  مابي قصه ^^"


..


سالفه 2

امس اختي مب الصغيره لا, غيرها
 تقولي انتي تذكريني بشخصيه مشهوره

عاد انا هنييييه ياأرض انهدي  ماحدا أدي <<هيك المثل ولا غلط ^^"

قلت لها منوووو

قالت .. << تعطي مقدمات قبل ..

قالت مزاجك اللي يرفع الضغط
والطلعات العجيبه اللي كل يوم تطلعين لنا فيها

تذكريني بـ

وكل الانظار متجهه نحوهاا

ننتظر الاجابه ..

تدرون قالت من
:


:


:


بـ



القذافي 

>_>

ارتفع الضغط عندي 1000000

بذمتكم اشبه القذافي بشنووووو :s

تحطيييييم


:
:



سالفه 3 

من اسبوعين .. ولا اقول .. مره ثانيه بكمـل


:

يُقــال ..

ليس كل مايتمناه المرء يدركـه
تجري الرياح بما لاتشتهي السَفَنُ ! ..




ايه نسيت اقول ..

بعض المدونات ادخلها وحلوة وكل شي فيها حلو ..
بس مااحط تعليق .. لان بصراحه يكون الخط صغيـــــر
اما يكون  الخط صغيييير والاسطر ورى بعض
او الخط صغير بلون فاتح والخلفيه سوداا ..

والله مااقدر اركز .. اصلا احس ان النظر قل عندي ويمكن بعد بسبب الالتهاب الدائم ..

فـ اسمحولي اني مااعلق بمدوناتكم اصحـاب الخطوط الصغيـر .. :)


..


دمتم بخيـــر :)

23 COMMENT.s:

L!fe يقول...

بصراحه ,,
قصتج اعجبتني
ماعندج اهو عندي ,,,
بس انا مع بنتي :)

ماكو قصه غير ليلى والذيب جان زين اقولها صح
تأليف بتأليف ..

بس خوش شي اختج الصغيره ماعاد اتعبج وباي باي قصص :)

استمتعت وانا اقرأ على الاقل فرفشت شوي بعيد عن روتين الدوام الممل ..
بس عاد .. ابتسمي للحياة تبتسم لك .. فرفشي

نبض الحرف يقول...

هههههههه
ضحكتني السالفة الثانيه
تدوينه حلوه

وانا بعد نفسك لما ااشوف مدونه الوانها دفشهة وخلفيتها سودا ما احب اقراها >>مااركز

نمووول يقول...

ههههههههههههههههههه
يعني ما تعرفين قصه الفيل الي حب نمله ؟
توقع بتقولين عارفه قصه ليلا والذيب
لان الكل يعرفها بس حلوه قصتج هههه اول مره اسمعها
بقولها حق عيال اختي

اما القذافي فهاذي مشكله
زين ليش تذكرينها فيه شنو وجه الشبه هههههه

الله يحفظج انتي وخواتج هذا اسبوع الملل العالمي
الكل يقول ملل وطفشه الله كريم

دمتي بخير

جنات يقول...

اهليييين سكربل

انتي بالزبط متل حالتي روتين ممل
<< مايتغير :(

بس ايش نعمل الشكى لله ...


وقصتك مره اعجبتني يعني يعني اهي مش حلوهـ وظريفه لا
سهله مررره ههههههه <<< ابد ماتجامل

والله لا اقولها لولد خيتي ^_^

بايو يابطوطه

ميثـه ♥ يقول...

السلاام عليكم
نسيتي سـآلفة البرجة < المره كـآنت تبي تطلع الصاج من الكـذاب p= ..
_
هههههههههههه
القذآفـي :\
اي تره في شبه بينج وبينه بس نـآقصج الكتـآب الاخضر كيكي ..

نجود يقول...

هههههه..!
أتوقع السوالف الحلوة ماتطلع الا إذا مليتي ..!!
يا حبيلك ~
عشان كذا فاقدتك بمدونتي كل ذا عشان الخط !
بكبره عشانك ان شاء الله =*)

مودتي ~

سعد المحطب يقول...

وراج عيال ..
إن شاء الله ..

لازم تحفظين قصص عشان يتربون عليها : )

=====

محشومة عن القذافي وأشكاله ..

=====

ناطرين السالفة الثالثة : )

arwa يقول...

هههههههه
ربي يسعد قلبك
فطست ضحك ع السالفه نمبر تو
توقعتها تقول أميتاب باتشان خخخخخ ارتباطا باالإدمان..
^ــــــــ^

arwa يقول...

بآك ^^
بالنسبه للقصص اممم فيه فكره حلوه حبتين
انك تقصين لها قصص من السيره باسلوب طفولي مشوق ونظام حلقات .. منها انتي تسترجعين ومنها تغرسين فيها مبادئ وقيم جميله من خلال القصص + كسر الروتين الممل ..
^ــ^

سمو الأميرهـ ..ツ يقول...

الأفلاام الهندية :
لو تبين تعرفين أي شي عنها اسألي ..~وحيدة بلياهم ~

الصرااحه موسوووعة أفلام هندية ..
حفظتني أسامي الممثلين الهنود بالرغم من إني ما اتابع أفلام هندية :\

**
عن القصص ،،اممم احسن لج تقولين لها قصة رعب ،،
بتفج عنج وما بتلعوزج مره ثانية ..
اسأليني مجربة :d ..
**

السالفة 2 = نو كومنت :D ..

يحليلج :d ..خخخخ

***
انزين قولي لنا إذا خطوط مدوناتنا صغيرة
بنكبرها ،،
كله ولا عيونج (؛ ..
**


ووو بس
:)
دمتِ بوود حبيبتي سكربل

هاشم يقول...

(: الله المستعان مالقت إلا القذافي !! عيب عليها والله

محفوظة ياأختي هذه بس حابه ترفع ضغطتك (وصار!)

::

بالفعل من النصائح التي تتكرر علي دائماً في عالم التدوين مسألة البعد عن تعدد الألوان ومراعاة لون الكتابة للخلفية وكذلك الحجم المناسب ويااااما مدونات ذات محتوى قيم مهجورة لهذا السبب ..


موفقة سكرايبل (:

هاشم يقول...

بالنسبة للقصص خاصة للصغار فأنصحك طالما لديك نفس في هذا الباب أن لاتفوتي على نفسك فرصة التأثير على أخوانك الصغار , صحيح ممكن الشغلة تطفش لكن الفائدة فيها عظيمة إذا كانت القصص هادفة وذات مغزى

والنت ملياااان قصص مناسبة وجديدة (:

خاصة إن صغار اليوم يختلفون كثيراً عن جيلنا وقت كنا صغار ( طفل اليوم ممكن تناديه وهو يحكي لك قصة وثنتين وثلاث لين ماتنام إنت وهو لسه يثرثر ! )

S.M.G يقول...

هههههه
عجبني حقت القذابي ما انت ببعيدة عنه
ههههههههههههههههههههه
شكرا على السوالف ^^

●• ۈحيدة بليآهُم•● يقول...

هههههههههه ..>>احلــى شي الافلام الهنديه

الساالفــة الأولــى ..
حاولـي تألفين أي قصــة المهم تكوون بسيطــة ..

الســالفة ال2
خخخ يحليلج .. ما حصلت حد غير القذاافي ..

وتسلمييييييييين >>>*___________*

SCRIBBLE ..♥ يقول...

life ..

^^ الحمدلله انج فرفشتي وكنا سبب في ذلك

والله يخلي لج بنتج : )

نورتيناا ..


..

نبض الحروف ..

يعني مااعجبج الا القذافي :\


مروررج الاحلى خيتي


..

SCRIBBLE ..♥ يقول...

نموول ..

الكل يقوول ماعمري سمعت القصه ! ليكون انا اللي مألفتها خخ

الفيل والنمله مااعرفها

وليلى والذيب هي اللي تقصها لي مب انا ^^"


والله ماادري شنو وجه الشبه يعني حتى كتاب الاخضر مااعندي نفسه :s

* اذا بتقول القصه لاتنسى حقوق النشر << صدقت هي مألفتها خخ

حياك الرحمن ..


..

اهلييين جناات ..

خخخخخخخخخخخ

هي لانها سهله انا حافظتها ^^"

نورتينا

SCRIBBLE ..♥ يقول...

اوفلاين .. الكتاب الاخضر شوفيه بين اغراضج >_>

..

نجوود ..

يقولون ان الملل هو اساس الابداع ..!

ماقصدت مدونتج والله كثيير من المدونات خطوطها مش واضحه ..

ويااحبيلك .. منورتنا والله

:)

..

SCRIBBLE ..♥ يقول...

اجتماعي ..

وشفيها قصتي .. حتى عيالي بقولها لهم ^^"

..

تسلم اخووي ..

وان شاءلله السالفه الثالثه اذا مانسيت بكتبها قريب :)

منورنا ..

..

SCRIBBLE ..♥ يقول...

بنت الشيوخ ..

هههههه

دووم الضحكه يااارب ..

القذافي عجبكم يعني :s

خلاص بحطه صوره شخصيه لي شراايك >_>

..
فكرتك حلووه والله .. الله يجزييج الخيـر عليها ..


:) حياج الله

SCRIBBLE ..♥ يقول...

سمو الاميره ..

ههههه ياحليلهاا ..

اي قصص رعب خلني اعرف اول قصص مسالمه بعدين اقولها قصص رعب :| << مامني فايده خخ



..

مدونتج خطهاا زيين

تسلميين ياااربي ..

مرورج دووم يسعدني :)

SCRIBBLE ..♥ يقول...

هاشم ..

شفت شلوون :\

تسلم اخوي ..

.. اصلا خط المدونة والالوان من اهم اساسيات المدونة الناجحه ..


القصص ..
مشكلتي اني مااحفظ بسرعه يعني لازم احد يقولي القصه عشر مرات عشان اقدر احفظها ^^" مأساه خخ

شكرا لمرورك اخوي :)

SCRIBBLE ..♥ يقول...

s.m.g .. العفو ^^

SCRIBBLE ..♥ يقول...

وحيده بلياهم .. ^^ ايه دامه تخصصج اكيد احلى شي :d

^^ الله يسلمج ويخلييج ..

وتسلميين على المرور الحلو : )

إرسال تعليق

 
Blog Template by Delicious Design Studio