06‏/01‏/2010

قمــة الألم ..!



تخيلوا الصورة هي صورة " امرأة واقفه على رجـل وحده  وعروق يدها تقطر دم " يعني مجروحـه " ورافعه وجهها للاعلى وادموعها اربع اربع "  

تخـــيـــلتوااا !!
:
:
انزين وتخيلوا بعد ..
اني كاتبه خــاطره تحت الصوره
تصف قمة الالم الناتجه من عذاب الحب والمتسلله الى الشريان والعروق وتأثرت بها خفقات القلب !! ..

:
:
بس خلاص  وقفوا التخيل الى هنا ..

شنو بتكون ردة فعلكم ان دخلتوا مدونتي وشفتوا موضوع من هالنوع ^^"

:
:
رأيي الشخصي 

 خواطر كثيره من هالنوع لااعلم شنو مصدر الهاام كاتبها وكيف يتوجه لهالنوع من الكتابه المبالغ فيها
واحيانا كثيره تكون امرأة , لااعرف كيف لاتخجل من عرض مثل هذه الخواطر  للاسف ..

لااقصد هنا المبدعين بالعكس في خواطـر قمـة في الروعه والوصف اللي فيها لايدل الا على ابدااع صاحبهاا , ويشد الواحد انه يقرى ..

:
:
بس االبعض بالغ في وصفه لااعرف هي مشاعر مكبوته الى هذا الحد ام ماذا .؟
وهل ينتظر اراء الاخرين في مشاعره المتفجره هذه ام ماذا ؟

:
:
شو راايكم  !


اني انزعج ><"
احدى المدارس المستقله
مادري من مسجل رقمي عندهم
وكل شي يصيير في المدرسه ادري فيه بمسجاااتهم
وكل مسج يتكرر اربع مراات
اتصلت فيهم عشان يمسحون رقمي بس مافي امل احد يرد
صج صج ازعاااااج

17 COMMENT.s:

اقصوصه يقول...

اممم

صح مبالغه

ومساهمه في نشر الاكتئاب بعد

حطي رقمي بدالج :)

ஜوجــدان غاليتكـஜ يقول...

أهلين
الله يسلم خاطرك وخواطرنا من الحزن
صدقتي..أولآ هذا فضل من الله يأتيه من يشاء كثيرين
يغبطون من ربي منحه هالموهبه
وعلى قولة مشاعر مكبوته..
مدري يمكن أشخاص قادرين على التعبير القوي والجميل بكلمات موجزه..واخرين لا يقنعهم لا التفصيل الدقيق
وكلن وذوقه=)
والي مزعجينك بالمسجات ..أذا تقدرين تفصلين رقم تليفونهم تريحينهم وترتاحين هههههههههههه

عبـدالله يقول...

انزين تخيلنا .. يا سكرابل خلي اللي يكتب يكتب !! عادي يعني لازم كل الناس تكتب اشيا حلوة .. عادي

صمت البوح يقول...

يوم قريت كلمة تخيلوا ..اسميني ضحكت لانت بنت خالوه واختي دوم اذا قالوا سالفه اول شي يقولون تخيلي وتخيلي


امممممم انا ما احب وايد الخواطر بس في خواااطر رووعه وفي خواطر تخليج تندمين انج قريتيهن


وتراه كل واحد يحاول يكتب شي..وشوفي في ناس مايحبون الشعر النبطي ويموتون فالخواطر مثل الخاطرة اللي خليتينا نتخيلها

عااادي تصير في ارقى المدنات 0_O

ويسلمووو ع البوست

Coconut يقول...

صحيح إنه مبالغ فيه بس هي كلها طرق تعبير عن النفس..يمكن سن اللي كتب صغير..او خبرته قليله..او البيئه اللي عايش فيها هي السبب في طريقة تعبيره..

يمكن لولا فضل الله ثم التجارب اللي مرت علينا و الخبرات ومخالطة من خالطنا ماكان صقلنا طريقة تعبيرنا ..مازلت اعتقد ان اللي كتب صغير في العمر..

لو متوفره خدمة تجاهل راح تريحك لوقت قصير.. كلميهم في اوقات الدوام .او غيري رقمك إذا ماقدرتي ..الله يعين ^^"

سمو الأميرهـ ..ツ يقول...

مممم

ليش نعور راسنا ..إذا ما عيبتنا الخاطره ..ما نقراها
..
والكاتب بيتعلم مع الوقت ...

امممم

عن المسجاات
الله يعينج
تبيني أتصرف معاهم
بهزبهم هزاب جان تبين

لوووول

********


ودمتِ يا سكربل أنتِ ومن تحبين بألف خير

SCRIBBLE ..♥ يقول...

اقصوصة ...

بحط رقمج واستحملي عاد ^^"

حياكِ الرحمن ..

SCRIBBLE ..♥ يقول...

وجدان غاليتك ....

اهلا وسهلا .. منوره ..
صحيح ..بس ماادري يمكن ماوضحت وجة نظري عدل .. هي ان كل حرف نكتبه محسوب علينا والخواطر في اللي فيها قصص خياليه مبالغ فيهاا تنعكس بشيء سلبي على نفسية القارئ بدون اي ايجابيات ! ..

وشلون افصل رقمهم .. انتي تدرين ان ممكن يمر اسبوع مافي مسج من احد يوصلني الا منهم << ياحليلهم متواصليين خخ

SCRIBBLE ..♥ يقول...

عبدالله .. :)
شكرا لمرورك

SCRIBBLE ..♥ يقول...

صمت البوح عاد تخيلي تخيلي خخخ

صحيح كلامج

^_^ يسلمو على المرور ..

SCRIBBLE ..♥ يقول...

كوكونت ..

صح .. بس كانت لي وجهة نظر في الموضوع وقلتها ..

ماعندنا الخدمـه :|

الله يعيين

وشكرا كثيير على مرورك ..

SCRIBBLE ..♥ يقول...

سمو الاميره ..

وانتي شو رايج في هالنوع من الخواطر ؟؟

اي والله بحولهم عليج واتصرفي معاهم جد مزعجيـــن !



.. حياك الله
دومـا اميره في حضورك :)

مدونة ظاهر يقول...

هآآآآي سكرايبل ..

بالنسبة لي وتعليقاً على الخواطر ،،
معك حق في بعضهم والله ما ادري وش يحسون فيه
وهم يكتبون .. لكن البعض جداً رائع وما نهضم حقهم..

وأحيان يكون الكلام قوي ونراهـ مبالغ فيه ..
لكن درجات الحب تختلف وأيضاً عمق الجروح يختلف ,,

الله يبعد عنا وعنكم الجروح وكسر الخواطر يا رب ..


×
×


وبالنسبة للمدرسة الله يعينك ,,
لكن لو جتك رسالة انه اللي حاط رقمك غايب
قولي لهم ما ادري طلع الصباح بيروح المدرسة هههه
وخليه يحصل كم قرصة أذن ههههههه


تحيتي لكـ ,,
وصباحك ورد

janah يقول...

جزاكِ الله خير
يمكن البعض .. أقول البعض ..يمر بقصة حب وهذا يفجر التعبير عندهم
بحيث إنهم يعبرون عن حالتهم النفسيه وايش يمرون فيه بصراحه تستغربين منهم والقدره العجيبه اللي يمتلكونها .. عن نفسي مااحب الخواطر والاشعار في العشق والغرام والخرابيط هذه :\
لكن ليتذكروا هؤلاء قوله تعالى " مايلفظ من قول الا لديه رقيب عتيد "
الله يهدي الجميع
والله يعينج على المدارس المستقله :)

شكرا لكِ ... ♥

اَلْجُمَآنْ.. يقول...

من رأيي .. خواطر عن خواطر
هناك خواطر .. يتكلم كاتبها عن هدف وفكرة ..
وبطريقة ما .. تصل إلى الكاتب بشكل لذيذ .. ويعي الفكره ..
وهناك أُناس .. يقلدون أُناس .. ولا يعون من القلم شيئا :)
أي هم يدعون انهم كُتاب خواطر ..

●• ۈحيدة بليآهُم•● يقول...

احيانا اللي يحب يبدع فالخوااطر ..
انا اذا لقيت خاطرة حلوة اقراها ..مب اي خااطرة عااد ..

اما عن نفسي ما احب اكتب خاطرة عن الحب ..>>خخ وانا مبتدئة ..

اما عن المسجاات الله يعينج ..
صار لي هالموقف ..بس مب مدرسة بنك خيخخ

كلما وااحد يسحب بيزات توصلني رساالة ..

>< مب بس مسجاات حتى ارقاام غريبة ..>>بس لانهالرقم كان مستعمل .. وبعدها اخوي خذاه وارتحت ..

مُخمليّه يقول...

عزيزتي سكرايبل ،،

بما اني من عشاق الكتابات الأدبيه عموما والخواطر وبعض الزجل على وجه الخصوص بقولك وجهة نظري ،،

هي الخواطر أنواع بحسب الشخص اللي يسيرها ،، يعني ممكن نلاقي ناس طريقة تعبيرهم بالحزن والفرح تكون كلها عن طريق التعبير فتتفجر مشاعره باللي فيها بدون مايحسب حساب أو يخط أحمر للي يكتبه ،، يعني العاطفه هي الي تحكمه وتحدد وجهته ,,

وفيه العكس الي نلقاهم يكتبون بالعقل قبل الذات ،،

أياً كان أنا أحترم جميع الكتابات وأقدرها ..


وبالنسبه للرقم ،، بسيطه غيري رقمك ههههههههههههه


( ورده )

إرسال تعليق

 
Blog Template by Delicious Design Studio