28‏/05‏/2010

المراكز الصحيه !!

المراكز الصحـيـة .. 

عندي قناعه شخصيه مااقدر اغيرهـا ان هالمراكز مجرد اسم  ومالهم اي صلة بالصحـة ولا الطب ولا التمريض ولا غيره .. مجرد حشو .. 
كل مرة اتمسك بقناعتي اكثر واكثر .. 
مااقتنع اني اروح لهم ابداا لو كنت تعبـــــااانه وهلكانه ومافيني ضلع صاحي مااقتنع بكلامهم ..
بس مرات الواحد يضطر ان يروح لهم .. واذا راح اشوف يزيدونه تعب ومرض بدل ما يعالجونه  .. 
تدخـل على الدكتور/ة .. تلاقيه نفسه في خشمه وماله خاطر يسوي شي ..
حتى مايكلف نفسه يبتسم كأنه احد غاصبه على هالوظيفه والناس اللي تدخل عليها مافيها الا الدلع 
ومايمديك تتكلم وتشرح حالتك هز راسه انه فهم شنو فيك وبدا يكتب الوصفه ! .. شالموضع ليش وكيف مب مهم المهم يله رووح والمريض اللي بعدووه ..! 
اقترح .. بدل من تواجد دكاترة تخصص طب عام ( كحه وبنادول) .. ان يتواجد في كل مركز متخصصين 

:
:
اذكر مره اضطريت اروح للمركز الصحي وكان عندي ضرس العقــل ( يعني العقل كله يرووح وقتها من قوة الالم ) دخلت شفت دكتورة .. قالت لي شفيج ! قلت لها ضرسي يعورني << يعني بالله يايه مشاهده ويهج على اي اسااس !! ..
قالت لي يعني شنو فيج بالضبط << ارفعت ضغطي شوي بس مسكت نفسي .. 
وانا الالم بيطلع من عيووني .. 
قلت لها قبل اسبوع جيت وقال لي الدكتور اني اخذ مضاد لانه ملتهب وبعدين تبتدي عملية الخلع ..
قالت لي اي دكتور هو مش كاتب شي في الملف (( طبعا بصوت متنرفز تكلمني ))
قلت وانا اشدخلني انه ماكتب شي في الملف .. قالت والمطلوب .. 
وقتهــا خلاااص حسيت اني بذبحهــا .. هنيه عليت صووتي وقلت لها شلووون شالمطلوب وووو ...
قالت لي طيب انتي تعلين صوتج ليش ! .. قلت لها ابد انتي احترمتي المريض من البدايه وتكلمتي بهدوء وبادرتي بعلاجـه ! .. 
وبعدها قالت مااقدر امسك ضرس العقل وعطتني تحويـل :s 
وبعدها على طـوووول خاااص والله مامنهم فاااايده هالمراكز الصحيه الا في الكشف الطبي لتسجيل المدارس ><" .. 
وغيرها من المواقف اللي يعطيك علاج وبعدها يطلع غلط واللي مايدري شنو فيك اساسا ووو ..
:
:
والله يعــيـــن .. 

8 COMMENT.s:

غير معرف يقول...
أزال المؤلف هذا التعليق.
غير معرف يقول...

ياسوسو اذا كانت بعض المستشفيات الخاصه الكبيره نص كم فشلون بغيرها!!مابي اتخيل ><"
والله القعده فيها مرض اكثر من المرض..عاد مايعرف غير اللي يروح لها.. الله لايعيدها من ايام يارب!

في المستشفيات اللي ماتختص غير بالكشف اما الدوا لفي الصيدليات عشان تلقينه ولاتنسي المحلول!!!@@
غرفة الحقن يستخدموا فيها نفس الابره للكل مساواه ماعندها احد احسن من احد ..ابر تبع المساكين اللي مصت الحياه دمهم وصاروا ياخذوا حديد لعل وعسى يصمدوا في وجه هالحياه.. فعاد بدل وجع الراس نروح المستشفى الثاني للعلاج صحيح انها قد الحُق واذا ماتابعتي الوصفه وفهمتيها وعرفتي اللي تحتاجيه من كشف سكر وضغط مارح تدفعي يوم ميه والثاني ميتين والثالث ثلثميه ان مو اكثر ..يمشي الحال :) ..
وما انسى مو فاضيين حق الابر اللي تاخذ اكثر من ساعه ساعتين نو وي ..مابقي غير يطردونا ..من اكبر المستشفيات وخاصه..عاد مزاج زتعامل الممرضه انتي وحظك..
الحكومي يوم كان تشخيص الصغيره ننتظر من ثمانيه ل 12 ويوم يوصل دورنا وندخل الغرفه تقول اخصائية المخ والاعصاب يووه اشوف السي دي تبع الاشعه واللا ما اشوفه؟!! مو فاضيه الاخت..ويوم تعرف اننا نراجع حكومي وخاص تقول ماتراجعون غير عندنا ..كأنه على كيفها!و تقول شو المطلوب ..الشرهه على اللي يحطهم والله..
صديقتنا تصور مراحل العلاج اللي تمر فيها ..يوم فكرت اننا نسوي نفس الشي قلت قسم بالله راح تكون فضيحه لهم وبالصور..

يوم تمشي الامور على خير وما نتأخر عن امي والله احس ان ربي راضي عني اليوم وودي اوطي واسجد شكر لله ..بس لو متأكده من نظافة الارض !
خليها وقت الشديد القوي وانا اختك .. ترى اخذنا لقب العالم الثالث بجداره ..

may يقول...

يالله ياربي لا تحوجنا لهم
والله الدكاترة صاروا ( × ) إلا ما رحم ربي !!

بدون تعليق يقول...

تعالي مدونتي في هدية لج اقرى اخر موضوع لي :)

SCRIBBLE ..♥ يقول...

may ..
الله المستعـان .. !
كلام كثير عن هالمستشفيات وقضيه ماادري متى بتنحـل ! ..
الله يحفظنا ويحفظ احبابنا منهم ..

SCRIBBLE ..♥ يقول...

مي ..

يااربي اميــن ..

حياكِ الله غاليتي :) ..

حاجوني يقول...

سبحان الله .. نفس شعوري ..
وكتبت موضوع طويييل في مدونتي بعنوان

عيادات وزارة الصحة في الإمارات إلى أين ؟

حقاً الأطباء استغلوا مهنة الطب وصارت تجارة تدر لهم الأموال إلا من رحم الله .. وهم قلـيـــل

SCRIBBLE ..♥ يقول...

حاجوني ..
اولا اهلا بك وبمرورك الاول :) ..

الظاهر ان المشكله في الوطن العربي كله !

مهنة الطب تجــارة .. فالله المستعان ولاحول ولاقوة الا بالله .. مصيبه والله ..

اسعدني تواجدك وتعليقك ..

حياك الله

إرسال تعليق

 
Blog Template by Delicious Design Studio