29‏/09‏/2010

قطـري/ـه


للاسف حالنا كما هو موضح في الصورة !! 

 :
توظفت ماتوظفت !

مقابلة رقم 1 

المكان ممتاز ووظايفه ممتازة 
وابدا ماتوقعت يتصلون فيني ! 
رحت المقابله .. 
قالوا لي تقطير وتقطير يعني توظيف القطريين .. 
مقابله تقريبا نصف ساعه اخذ وعطى وكانت ممتازة ! 
قالوا لي حاليا ماعندنا وظايف في تخصصج بس ممكن نحطج في مكان مناسب 
ولازم تسوين مقابله مرة ثانيه مع رئيس القسم 
مووو مشكله .. 
وسوينا المقابله .. 
والنتيجه ايجابيه ..
طلبت اني اشوف المكان ونوعية البوزيشن اللي بيحطوني فيه .. فلم يمانعوا !
مشيت مع رئيس القسم الفرنسي .. 
وشفت المكان .. 
تعرفون شنو الوظيفة ! 
يعني انا خريجة اخصائي حاسب بتفوق  , عندي خبرة عمل اربع اشهر , اللغة الانجليزيه نقول جيده الحمدلله
وقـطـــريــــه ! 
.. الوظيفة هي 
موظفة ملفات ومواعيد في قسم العياده عندهم !!!!! 


 مقابلة رقم 2 

قدمت اوراقي 
تم الاتصال بي على طــــووول 
كنت حينها في مطار دبي توني واصله ! 
الا ابوي متصل فيني يقول لي عندج مقابله الاحد كنا رايحين يومين يعني الخميس والسبت راجعين .. 
 توترت شوي اني مو جاهزة للمقابله 
ونفس الشي عندهم مايسمى بالتقطير .. 
قبل المقابله بليلة حاولت اني اجهز نفسي ووو .. 
رحنا المقابله 
قالوا لي لازم امتحان @@ .. 
قلت موو مشكله 
قدمنا الامتحان .. وقالوا النتيجه اوكي .. طيب ليش مانادوني !! 
الله أعلم !! 


مقابله رقم 3 .. 
اطلبوني بدون مااقدم عندهم اوراقي ..
عن طريق وحده اعرفها كلمتها مسؤولتها عن حاجتها عن قطريات خريجات 
كلمتني وقالت بكره المقابله ! 
ماصدقت وفرحت فرحت فرحت .. 
رحنا المقابله انتظرت وانتظرت وانتظرت 
دخلت بعد طول انتظار 
السلام عليكم .. قعدت وسلمتها اوراقي .. 
افتحت الاوراق .. 
اسألتني السؤال الوحيد ليش مااشتغلتي المكان اللي تدربتي فيه !! 
قلت شي راجع لي ومابغيت المكان 
بس ! 
لحظات صمت !
وانا انتظر 
>> يمكن شكلي ماعجبها ! او لاني قطريه ! ممكن 
عطتني اوراقي 
وقالت لي خلاص اذا في شي بخبر فلانه :s <<< حلفي بس 

طلعت من عندها وانا كل علامات التعجب على وجهي ! 

بس بعد خيره الحمدلله .. 



المكان رقم 4 .. 
قدمت اوراقي .. 
ومعاي بنفس الوقت قدمت وحده اعرفها مو خريجه .. 
انتظر احد يتصل فيني .. قلت طبيعي انهم يطولون وبعد يمكن مب نصيبي 
اتصلوا في البنت اللي قدمت معاي وقالوا لها ارفضوها .. 
وانا .. لين الحين الله اعلم اوراقي عند من يحللها !! 


المكان رقم 6 
طبعا الاعجوبــه !! 
قدمت اوراقي .. 
قالوا حلو وتخصص مطلوب وكذا 
راجعناهم .. قالوا اصلا الاوراق ضايعه !
قدمت الاوراق مره ثانيه .. 
فترة وبعد مارجعناهم قالوا الاوراق ضاعت
طيـــــب .. 
قدمنا الاوراق مره ثالثه !! 
وتم تسليمها للمدير الحمدلله  .. 
وشبه موافقين وووو.. 
وفجأه ..
وبعد المراجعه 
قالوا اصلا االاوراق ضـايعه 
يااشيــخ انت وياااه 
وقدمت اوراقي للمره الرابعه .. 
Oo واظن ان بيضيعونهم لاني فقدت الامل منهم نهائيا 


اي نسيت .. 
قدمت على كذا مدرسه مستقله 
 المدارس المستقله هي حكوميه لكن بنظام جديد .. 
ومحد رد .. 
وحده من المدارس شفت اعلانهم في الجريده عن حاجتهم لـ قطريات والتخصصات المحدده من ضمنها خصصي
عنوان اعلانهم كـان 
الأولويه للقطريات
قدمت على طـــول في اليوم الثاني 
اعرف وحده بنفس المدرسه اتصلت فيني 
اسألتني .. اتصلوا فيج .. قلت لا 
قالت غريبه ؟اليوم كل اللي انقبلوا غير قطريات وغير خريجات !!
لان رواتبهم اقـل فتستفيد المسؤوله عن هالمدرسه


شرايكم .. ارفع شكواي للامم المتحده !! 


// 
إنمــا اشكو بثي وحزني إلى الله 
o:)

23 COMMENT.s:

بدون تعليق يقول...

سكرابل ..

الحل الوحيد والناجح
اولا: استعيني بالله وتوكلي عليه .. وارضي بنصيبج اي كان.
ثانيا: شغلي جميع الواسطات النشيطة والكسلانة ووزعي اوراقج في كل مكان وفي كل زمان .. ولاتعزيين
ثالثا: وين ماتروحين قولي لهم اي اعرف لاتقولين اي شي لاماعرف او ماقدر او مايصير .. كل شي وافقي عليه وقولي اي واي وايييييييييييي

بعد ماتشتغلين عاد سوي اللي تبينه وبكيفج :%

الله يوفقج يا سارة .. بس اذا تبين واسطة في مدرسة مستقلة حاظرين :^

سمو أنثى يقول...

الله يعينك ويصبرك ويرزقك الوظيفه الي تتمنينها يارب وصدقتي انما اشكو بثي وحزني الى الله ..

azhar يقول...

الله يكوون بعونك
جد تعقيد
بس على فكره
قبل فتره كانو يقولون في وظايف مدرسات بقطر
والراتب دبل عن الي بالسعوديه
وغير الامتيازات..؟؟
جد غريبه
انتم اولى في الوظائف

يالله الحال من بعضو خيتو
بس واصلي
وان شالله تبشرينا قريب باحلى وظيفه
الله يوفقك
دعواتي لك

Hajar Ahmed يقول...

أو ماي قاااااد ! .. S=
صدق ساالفة ..
الله يعينج يارب ، وييسر أمورج كلها
ويرزقج الوظيفة المناسبة .. (=

سكتشات يقول...

حاسه فيك والله لأني نفس المعاناه ..
الله يكون بعونك ويسر لك امورك
حزنت عليك من جد :(

نمووول يقول...

رفعي شكوا
مو بس عندنا يطلبون هالطلبات التجيزية
ومادري شنو سالفة سنوات الخيرة
يعني الي توه متخرج وين يروح ياخذ خبرة ؟
لا اقل شي يطلبون سنتين خبرة ؟!

يمهل ولا يهمل

وبالتوفيق ,,

flicka يقول...

المشكلة مب بس بهاذي
إذا انتوا من الأساس ماعندكم وظايف
ليش تذبحون العالم بمتطلباتكم
وقبلها تنحرونهم بمتطلبات الجامعة
يعني الواحد يبط راسه بالثنوية
بعدها ينتف عمره حق متطلبات الجامعة
ولما ما يصدق يخلص .. يذبح عمره عشان الوظيفة
.
السموحة عالاطالة
بس الموضوع واايد يعور القلب
.

الله يوفقج خيتو وييسر امورج
:)

SCRIBBLE ..♥ يقول...

عبدالله .. الحمدلله على كل حــال ..

هذا بواسطات ومافي شغـل لازم تكون الواسطه درجه اولى او ماينفع !! :"(

كل شي يسالوني ايها اي وعادي ومو مشكله ,,بعد لين الحين مامشت الامور

الله المستعان ..

تسلم والله ماتقصـر : )

SCRIBBLE ..♥ يقول...

سمـو انثى ..
يــارب يــارب يــارب

SCRIBBLE ..♥ يقول...

ازهـار .. شفتي كيف ="

الله يسمع منج يارب وييسر الحال

SCRIBBLE ..♥ يقول...

دريم .. اي والله صدق ><"

الله ييسر ياارب

تسلمين على الدعوه >3

SCRIBBLE ..♥ يقول...

سكتشات ..

يارب يفرجها علي وعليج آمييين

SCRIBBLE ..♥ يقول...

نمـووول .. ويقولون كله في سبيل الوطن والمواطن .. والمواطن الله بالخيـر ضايع حقه وبقووة ..

الله يفرجهــا ياخوي ..

SCRIBBLE ..♥ يقول...

flicka .. سؤاال مالقيت له اجــابـه ="( !!

يعور القلب يعور القلب مالنا الا السعي وبذل اقصى جهدنا ونتوكل على الله .. والله بيصلح الحال ان شاءلله

هاشم يقول...

الله المستعان :/
الدعاااااء الدعاء

بتـول يقول...

أعانكِ الله ،، و يسَّر لكِ الخير أينما كاان ياااارب :)

SCRIBBLE ..♥ يقول...

هاشم ..

الله كريم يكرمنا ويفرجها علينا ..

SCRIBBLE ..♥ يقول...

بتول .. آميين ياارب

جزاج الله كل خيــر خيتي =)

زينب علي حبيب يقول...

لا حول ولا قوة الا بالله ... الله يعوض :(

SCRIBBLE ..♥ يقول...

قطرة وفـا ..

الحمدلله .. والله يكتب كل خير ويفتحها على الجميع

(":

بكرى احلى يقول...

او هاذي الحاله في قطر كمان توقعت بس السعوديه من بين دول الخليج كنت مفكره اسافر لاي دوله من دول الخليج واشتغل ولو خبازه خخخخخخ
انا اشوف اللي عندهم ثانويه عامه مشرفات وما اخذين وضائف ادرايه واهل البكالريوس مو لاقين اي وظيفه مو ظلم الحمد لله على كل حال
ربي يوفقك يالغاليه والله ماراح يضيع تعبك
اسأل الله العظيم رب العرش العظيم ان يرزقك الوظيفه التي ترضيك عاجل غير اجل ولي ولمن في مثل حالتنا ممن يملكن المؤهلات ولايجدن الوظيفه..

SCRIBBLE ..♥ يقول...

جد والله اللي ماعنده شهاده بسرعه يشتغل !
طيب ليش نتعب عشان الشهاده اللي بتقعدنا في البيت :/ ..

الله كريم .. يفتحها علي وعليج وعلى الجميــع ,, آمـــيـــن يارب ..

غير معرف يقول...

Standard Insights On Primary Conditions Of
utilised microbial infection

Also visit my blog post :: http://fakulteliler.net
my website :: used transmissions

إرسال تعليق

 
Blog Template by Delicious Design Studio