things that i don't like
مااحب الاشخاص المزعجين .. اصوات عاليه,صراخ, قهقهات مرتفعه
مااحب اللي يشوف الدنيا كلها "هو" ومايحاسب انه بأغلب حركاته ماعنده احترام للغيـر ! ..
مااحب امسك قبضة اي باب في مكان عــام لازم يكون بيدي كلينكس ^^"
مااحب احط شنطتي على مغسلة حمامات الاماكن العامــه ابدا
مااحب اللي ياكـل ويمسح يده في ثيابه بدون ماينتبه << هالحركــه تنـــرفزني وتشد اعصابي
مااحب اللي يفتحون جامات" نوافذ" سياراتهم عشان يحذوفون شي في يدهم
مااحب الاماكن المزعجه كثيــر
مااحب تجمعات الحريم كثيــر
اتعب لما اشوف الناس تاكل كثيــر ><"
مااحب احد يحكم على الناس من الظاهر ..
اتوتر لما احد يبتدي ياكل بدون مايسمي .. لاوياكل باليسار بعد! >_>
لما احد يعطس ومايقول الحمدلله !
هذه اللسته قابلة للزياده والتعديــل
للعلم .. ترى اشياء وايد احبها في الحياة
* اختي الصغيره تسولف معاي بعد الفجر اليوم ..
تعلمت اني اصلي معاها جماعه خاصه الفجر ..
قالت لي تدرين شنو احلى شي .. وانا ساكته انتظرها تكمـل
قالت لي .. اني اصلي وبعدين نستغفر وبعدها نقرا قران في جو هادي =)
اي والله .. احلى مافي هالدنيا نفس مطمئنة تذكر الله =")
* اختي الصغيره تسولف معاي بعد الفجر اليوم ..
تعلمت اني اصلي معاها جماعه خاصه الفجر ..
قالت لي تدرين شنو احلى شي .. وانا ساكته انتظرها تكمـل
قالت لي .. اني اصلي وبعدين نستغفر وبعدها نقرا قران في جو هادي =)
اي والله .. احلى مافي هالدنيا نفس مطمئنة تذكر الله =")
8 COMMENT.s:
الله يرزقنا وإياج الطمأنينة
:")
====
في أشيا مشتركة وايد
انا لاني أكتب باليسار و أسوي أشيا وايد باليسار إلا الأكل طبعا ، بس أحيانا
على غفلة ألقى نفسي اكل او أشرب باليسار :|
آمين يارب ..
..
(: ممكن الواحد ينسى حتى اللي يكتب ويشتغل باليمين عادي ينسى وياكل باليسار .. بس مب دووم الواحد لازم ينتبه ^^ ..
الظاهر احنا نسختين وحده في قطر و وحده في الامارات ^^" ..
عادات جميلة تصلح حتى كنصائح قصيرة ..
أتشارك معك في مسألة مسك مقابض الأبواب العامة وكذلك مقابض عربات التسوق بدون حائل وإن فعلت فتصبح حركة يدي معلقة إلى أن تغسل, مجرد التفكير بهذا يسبب القشعريره! @_@
طبعا كل الاشياء اللي ماتحبينها وتكرهينها فوق
تزهق وغصب الواحد يكرهها :) ومايتقبلها
بس آخر البوست كلام حلو وايد يثلج الصدر
واااايد مؤثر
حسيتي لما قريته عصافير تطير وسكون غريب
بارك الله فيكم ان شاءالله
وبوسه مني لمون
"مااحب تجمعات الحريم كثيــر " -_-
وجدت أحدًا مثلي أخيرًا :D
كالبقية أشترك معكِ في كثير من النقاط ..^^
السلام عليكم ورحمة الله وبركاته
يا حبي لكم الله يحفظكم ويخليكم لبعض لا تنسين تبوسين لي اختك الصغيرة هههههه
اي والله .. احلى مافي هالدنيا نفس مطمئنة تذكر الله =")
انا اشهد,, انه جو اكثر من رائع لمن نتواصل مع الله بكل هدوء وسكينه احساس روحاني رهيييب
دمتي لنا بود حبوبه
فمان الكريم
هاشم .. والله بعض المرات يقولون اني اوسوس ^^" ..
الله يبعد الوسواس بس هو من النظافه والنظافه من الايمــان صح =) ..
:
:
توينكل .. وصل سلامج لهاا ..^__^ .. ويبارك فيج انتي وعصافيرج الصغار يارب
:
:
بتول .. اهلا وسهلا .. =) نورتينا من بعد غياب
الحمدلله يعني مو انا بس تعذبني هالامور ^^ ..
:
:
LOLLIPOP >> حلوو اسمج احس انه فيه فرح وتفائل وتسامح =)
^__^ .. وصلت
صدقتِ والله .. احلى مافي الدنيا ..
دمتِ بكل الخيـر غاليتي
تدوينة حلوهـ ،،
عرفتنا على جانب من سكرايبل ،،
على فكرة أعجبتني اختياراتك للاشياء اللي تكرهيها ،،
،،،
والله يديم عليك وعلى خيتك طمأنينة النفس :)
إرسال تعليق